കവർച്ചാ ശ്രമത്തിനിടെ തടിയന്റെവിട നസീറിന്റെ സഹോദരനും കൂട്ടാളിയും പിടിയിൽ
കോയമ്പത്തൂർ : കവർച്ചാ ശ്രമത്തിനിടെ മലയാളികൾ ഉൾപ്പെടെ 12 പേർ കോയമ്പത്തൂരിൽ പിടിയിൽ.കണ്ണൂര്‍ സ്വദേശികളായ അബ്ദുള്‍ ഹാലിം, ഷമാല്‍ എന്നിവരാണ് പിടിയിലായ മലയാളികൾ.
കോയമ്പത്തൂർ കോവൈപുത്തൂരില്‍ നിന്നാണ് ഇവര്‍ അടക്കം 12 പേര്‍ പിടിയിലായത്.
തീവ്രവാദ കേസില്‍ ഉള്‍പ്പെടടെ നിരവധി ക്രിമിനല്‍ കേസില്‍ പ്രതിയായ തടിയന്റെവിട നസീറിന്റെ സഹോദരനാണ് അറസ്റ്റിലായ ഷമാല്‍.അബ്ദുള്‍ ഹാലിമും തടിയന്റെവിട നസീറിന്റെ കൂട്ടാളിയായിരുന്നു. കളമശേരി ബസ് കത്തിക്കല്‍ കേസിലും നിരവധി കവര്‍ച്ചക്കേസിലും പ്രതിയാണ് ഹാലിം. ഇവർ തമിഴ്‌നാട്ടിലെ വിവിധ പ്രദേശങ്ങളിൽ വന്‍ കവര്‍ച്ചയ്ക്കായി പദ്ധതി തയ്യാറാക്കിയിരുന്നതായി പൊലീസ് അറിയിച്ചു.