ഹെറോയിനുമായി അസം സ്വദേശിയെ എക്സൈസ് പിടികൂടി

എറണാകുളം : പെരുമ്പാവൂരിൽ സ്കൂട്ടറിൽ കടത്തിക്കൊണ്ട് വന്ന ഹെറോയിനുമായി അസം സ്വദേശിയെ എക്സൈസ് അറസ്റ്റ് ചെയ്തു. അസം നകോൺ ജില്ലാക്കാരനായ അബു ഷെരീഫ് (29) എന്നയാളാണ് 9.6 ഗ്രാം ഹെറോയിനുമായി പിടിയിലായത്. പെരുമ്പാവൂർ എക്സൈസ് റേഞ്ച് ഇൻസ്‌പെക്ടർ വിനോദ്.കെ യുടെ നേതൃത്വത്തിൽ നടന്ന പരിശോധനയിലാണ് പ്രതിയെ പിടികൂടിയത്.

പരിശോധനയിൽ അസിസ്റ്റന്റ് എക്സൈസ് ഇൻസ്‌പെക്ടർ(ഗ്രേഡ്) സാബു വർഗീസ്, പ്രിവന്റീവ് ഓഫീസർ(ഗ്രേഡ്) ജസ്റ്റിൻ, വനിത സിവിൽ എക്സൈസ് ഓഫീസർ ശ്രീലക്ഷ്മി വിമൽ, സിവിൽ എക്സൈസ് ഓഫീസർ ഡ്രൈവർ ബിജു പോൾ എന്നിവരും പങ്കെടുത്തു.