വാക്കുപാലിച്ച് ചാണ്ടി ഉമ്മൻ ബിന്ദുവിന്റെ കുടുംബത്തിന് 5 ലക്ഷം കൈമാറി

കോട്ടയം മെഡിക്കൽ കോളേജ് കെട്ടിടം തകർന്ന് മരിച്ച തലയോലപ്പറമ്പ് സ്വദേശി ബിന്ദുവിൻ്റെ കുടുംബത്തിന് ചാണ്ടി ഉമ്മൻൻ്റെ വാഗ്ദാനം നൽകിയ അഞ്ച് ലക്ഷം രൂപയ്ക്ക് ഒരു ലക്ഷം രൂപ കൈമാറി. ബിന്ദുവിൻ്റെ മകളുടെ അക്കൗണ്ടിലേക്കാണ് പണം കൈമാറിയത്. ചാണ്ടി ഉമ്മന് വേണ്ടി ഒഐസിസി റിയാദ് സെൻട്രൽ കമ്മിറ്റിയാണ് പണം കൈമാറിയത്.

‘ഉമ്മൻചാണ്ടി ഫൗണ്ടേഷൻ’ വഴി അഞ്ച് ലക്ഷം ബിന്ദുവിൻ്റെ കുടുംബത്തിന് നൽകാമെന്നാണ് ചാണ്ടി ഉമ്മൻ വാഗ്ദാനം ചെയ്തത്. പത്ത് ദിവസത്തിനകം വീട് കുടുംബത്തിന് നൽകുമെന്നും ചാണ്ടി ഉമ്മൻ വ്യക്തമാക്കി. ഈ ഫണ്ടിലേക്കായി കോട്ടയം മഹിളാ കോൺഗ്രസ് കമ്മിറ്റി ഒരുലക്ഷം രൂപ വാഗ്ദാനം ചെയ്തിട്ടുണ്ടെന്നും ചാണ്ടി ഉമ്മൻ അറിയിച്ചു. കഴിഞ്ഞ ദിവസം ബിന്ദുവിൻ്റെ വീട്ടിലെത്തി കുടുംബാംഗങ്ങളെ കണ്ടശേഷം മാധ്യമങ്ങളോട് പ്രതികരിക്കവെയാണ് അഞ്ച് ലക്ഷം രൂപ ധനസഹായം പ്രഖ്യാപിച്ചത്.