പത്തനംതിട്ട: രാഹുൽ മാങ്കൂട്ടത്തിലിനെതിരായ മൂന്നാം ബലാത്സംഗ കേസ് പത്തനംതിട്ട ജില്ലാ സെഷൻസ് കോടതിയിലേക്ക് മാറ്റി. വിചാരണ നടപടികളിലേക്ക് കടക്കുന്നതിന്റെ ഭാഗമായാണ് കേസ് മാറ്റിയത്. നേരത്തെ തിരുവല്ല മജിസ്ട്രേറ്റ് കോടതിയിലായിരുന്നു കുറ്റപത്രം സമർപ്പിച്ചത്. കുറ്റപത്രം അംഗീകരിച്ചതിനെ തുടർന്ന് മജിസ്ട്രേറ്റ് കോടതിയിലെ നടപടികൾ പൂർത്തിയാക്കി കേസ് സെഷൻസ് കോടതിയിലേക്ക് കൈമാറുകയായിരുന്നു. ഇനി വിചാരണ സംബന്ധിച്ച തുടർനടപടികൾ സെഷൻസ് കോടതിയിലാകും. വിദേശത്ത് താമസിക്കുന്ന മലയാളിയായ 31കാരിയുടെ പരാതിയിലാണ് കേസ് രജിസ്റ്റർ ചെയ്തത്. 2026 മേയിൽ അന്വേഷണസംഘം കുറ്റപത്രം സമർപ്പിച്ചിരുന്നു. ബലാത്സംഗം, ശാരീരിക-മാനസിക…

കോഴഞ്ചേരി: റിസോർട്ട് ജീവനക്കാരിയുടെ കൊലപാതകക്കേസിൽ പ്രതി ജിത്തു സജി (28)യെ പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി റിമാൻഡ് ചെയ്തു. കൃത്യം നടന്ന സ്ഥലത്ത് പൊലീസ് സയന്റിഫിക് ഓഫീസർ, ഫിംഗർപ്രിന്റ് വിദഗ്ധർ, ഫോട്ടോഗ്രാഫർ എന്നിവർ പരിശോധന നടത്തി തെളിവുകൾ ശേഖരിച്ചു. കൊലപാതകത്തിന് ഉപയോഗിച്ച കത്തിയും കവറും ഉൾപ്പെടെയുള്ള തെളിവുകളും കണ്ടെത്തി. പ്രതിക്കെതിരെ ആറന്മുള, ചേർത്തല സ്റ്റേഷനുകളിലും ചെങ്ങന്നൂർ സ്റ്റേഷനിൽ മയക്കുമരുന്ന് കേസിലും കേസുകളുണ്ടെന്ന് പൊലീസ് അറിയിച്ചു.

പത്തനംതിട്ട :കേസിലെ ഒന്നും രണ്ടും നാലും അഞ്ചും പ്രതികളെയാണ് പത്തനംതിട്ട ചീഫ് ജുഡീഷ്യൽ മജിസ്ട്രേറ്റ് കോടതി ശിക്ഷിച്ചത്. രണ്ടുവർഷവും ഏഴുമാസവും കഠിനതടവും 7,10,000 രൂപ പിഴയുമാണ് പ്രതികൾക്ക് നൽകിയിരിക്കുന്ന ശിക്ഷ. കേസിലെ ഒന്നാംപ്രതിയും കവർച്ചയുടെ മുഖ്യസൂത്രധാരനുമായിരുന്ന മെഴുവേലി സ്വദേശി ആലക്കോട് എന്ന സ്ഥലത്ത് പുത്തൻ പറമ്പിൽ വീട്ടിൽ വിനു, കൂടാതെ ഓമല്ലൂർ വില്ലേജിൽ വാഴമുട്ടം എന്ന സ്ഥലത്ത് പുന്തല പുത്തൻവീട്ടിൽ സുരേഷ് കുമാർ എടത്വ വില്ലേജിൽ ആനപ്പറമ്പാൽ തെക്കുംമുറി എന്ന സ്ഥലത്ത് നേത്യാര് പറമ്പിൽ വീട്ടിൽ സുധീഷ്…

കാഞ്ഞിരപ്പള്ളി: സമാന്തര ലോട്ടറി തട്ടിപ്പ് നടത്തിയ കേസിൽ സഹോദരന്മാർ റിമാൻഡിൽ. കാഞ്ഞിരപ്പള്ളി കറിപ്ലാവ് ഇരവിമംഗലം സ്വദേശികളായ മാർട്ടിൻ ബേബി (45), സഹോദരൻ ടോം ബേബി എന്നിവരെയാണ് പൊലീസ് അറസ്റ്റ് ചെയ്ത് റിമാൻഡ് ചെയ്തത്. മൊബൈൽ ഫോൺ വഴി ലോട്ടറിയുടെ അവസാന നാല് അക്കങ്ങൾ വാങ്ങിയാണ് പ്രതികൾ സമാന്തര ലോട്ടറി നടത്തിയിരുന്നതെന്ന് പൊലീസ് പറഞ്ഞു. വാട്‌സ്ആപ്പ് സന്ദേശങ്ങളിലൂടെയും ഫോൺ വഴിയുമായിരുന്നു നമ്പറുകൾ സ്വീകരിച്ചിരുന്നത്. അന്നേദിവസം പ്രഖ്യാപിക്കുന്ന സംസ്ഥാന ലോട്ടറി ഫലത്തിൽ ബുക്ക് ചെയ്ത നമ്പർ ഉൾപ്പെട്ടാൽ ഉപഭോക്താവിന് സമ്മാനത്തുക…

റാന്നി: നിരവധി സ്ത്രീകളുടെ ചിത്രങ്ങൾ മോർഫ് ചെയ്ത് നഗ്നചിത്രങ്ങളും വീഡിയോകളുമാക്കി മാറ്റി പ്രചരിപ്പിച്ച കേസിൽ യുവാവ് അറസ്റ്റിൽ. അങ്ങാടി വില്ലേജിൽ വരവൂർ ചെറുതോട്ടുങ്കൽ വീട്ടിൽ മാത്തുക്കുട്ടിയുടെ മകൻ അനൂപ് സി.എം. (31) ആണ് റാന്നി പൊലീസിന്റെ പിടിയിലായത്. സാമൂഹികമാധ്യമങ്ങളിൽനിന്ന് ശേഖരിച്ച റാന്നി സ്വദേശിനികളായ സ്ത്രീകളുടെ ചിത്രങ്ങളാണ് ഇയാൾ മോർഫ് ചെയ്ത് സ്വന്തം ഫോണിൽ സൂക്ഷിക്കുകയും മറ്റുള്ളവർക്ക് അയച്ചുകൊടുക്കുകയും ചെയ്തതെന്ന് പൊലീസ് പറഞ്ഞു. സെപ്റ്റംബർ അഞ്ചിന് റാന്നി സ്വദേശിനിയായ സ്ത്രീയുടെ പരാതിയിൽ ഇയാൾക്കെതിരെ സമാനമായ മറ്റൊരു കേസ് രജിസ്റ്റർ…

കോട്ടയം: ജില്ലയിലെ രണ്ട് കല്യാണ മണ്ഡപങ്ങളിൽ വിവാഹച്ചടങ്ങുകൾക്ക് ഭക്ഷണമെത്തിക്കാതെ കാറ്ററിങ് സംഘം വഞ്ചിച്ചതായി പരാതി. മുണ്ടക്കയം ചോറ്റിയിലും കോട്ടയം കഞ്ഞിക്കുഴിയിലുമാണ് വധുവിന്റെ കുടുംബാംഗങ്ങൾക്ക് ദുരനുഭവമുണ്ടായത്. കഞ്ഞിക്കുഴി സ്വദേശിനിയുടെ വിവാഹത്തിന് ഭക്ഷണവും സ്റ്റേജും ഉൾപ്പെടെയുള്ള സൗകര്യങ്ങൾ ഒരുക്കുന്നതിനായി ഒരു ലക്ഷം രൂപയുടെ കരാറാണ് കാറ്ററിങ് സംഘത്തിന് നൽകിയത്. എന്നാൽ ഉച്ചവരെ കാത്തിരുന്നിട്ടും ഭക്ഷണം എത്താതിരുന്നതിനെ തുടർന്ന് സമീപത്തെ ഹോട്ടലുകളിൽനിന്ന് ഭക്ഷണം എത്തിച്ചാണ് ക്ഷണിക്കപ്പെട്ടവർക്ക് നൽകിയത്. ചോറ്റിയിൽ നടന്ന മറ്റൊരു വിവാഹത്തിന് പനക്കച്ചിറ സ്വദേശിയായ വധുവിന്റെ വീട്ടുകാർ 1.4 ലക്ഷം…