അയ്യപ്പന്മാർക്കായി സൗജന്യ ഫിസിയോതെറാപ്പി ക്ലിനിക്
പത്തനംതിട്ട : മണ്ഡലകാലത്ത് ശബരിമലയിൽ എത്തുന്ന അയ്യപ്പന്മാർക്കായി ശബരീപീഠത്തിന് സമീപത്തായി സജ്ജീകരിച്ച സൗജന്യ ഫിസിയോതെറാപ്പി ക്ലിനിക്കിന്റെ ഉദ്ഘാടനം കഴിഞ്ഞ ദിവസം ദേവസ്വം ബോർഡ് പ്രസിഡന്റ് പി.എസ് പ്രശാന്ത് നിർവഹിച്ചു. ഇന്ത്യൻ അസോസിയേഷൻ ഓഫ് ഫിസിയോതെറാപ്പിസ്റ്റും, പത്തനംതിട്ട റിഹാബിലിറ്റേഷൻ ആന്റ് പാലിയേറ്റീവ് കെയർ സെന്ററും (പി ആർ പി സി ) സംയുക്തമാണ് സൗജന്യ ക്ലിനിക്ക് നടത്തുന്നത്.പി ആർ പി സി പ്രസിഡന്റ് ഹർഷകുമാർ, ചെയർമാൻ കെ പി ഉദയഭാനു,ഗവേണിങ് മെമ്പർ അഡ്വ.എസ്.മനോജ്‌,ജനറൽ സെക്രട്ടറി അഡ്വ.എസ്. ഷാജഹാൻ,ഐ എ പി സംസ്ഥാന പ്രസിഡന്റ് ഡോക്ടർ ശ്രീജിത്ത് നമ്പൂതിരി, പത്തനംതിട്ട കൺവീനർ ഡോ. നിഷാദ് എസ്,
അഡ്വ.എസ്. ഷാജഹാൻ,ഡോ. ഹരി,ഡോ. വിശാൽ ജോൺസൺ, ഡോക്ടർ ജിം ഗോപാലകൃഷ്ണൻ, ഡോ.ബൈജു ജയകുമാർ,ഡോ.വിനോദ്,വി പി രാജശേഖരൻ നായർ,നാഗരാജു, എന്നിവർ പങ്കെടുത്തു.
മല കയറിവരുന്ന അയ്യപ്പഭക്തർക്ക് കൂടുതലായി അനുഭവപ്പെടുന്ന പേശി വേദന, സന്ധി വേദന, പേശി വലിവ് തുടങ്ങിയ വിവിധ ശാരീരിക പ്രശ്നങ്ങൾ പെട്ടെന്ന് തന്നെ സുഖപ്പെടുത്തുന്ന രീതിയിലുള്ള സൗകര്യങ്ങളാണുള്ളത്.8 മുതൽ വൈകുന്നേരം 5 വരെയാണ് ക്ലിനിക് പ്രവർത്തിക്കുന്നത്.നിലവിൽ സംസ്ഥാനത്തിന് പുറത്തുള്ളവർ ഉൾപ്പെടെ ആറ് ഫിസിയോതെറാപ്പിസ്റ്റുകളാണ് ഇവിടെ ഉള്ളത്.