സ്ഥിരം കുറ്റവാളിയെ കാപ്പ ചുമത്തി നാടുകടത്തി
കൊല്ലം : ക്രിമിനല്‍ കേസുകളില്‍ ഉള്‍പ്പെട്ട കുറ്റവാളിയെ കാപ്പ ചുമത്തി നാടുകടത്തി. പന്മന വില്ലേജില്‍ ചിറ്റൂര്‍, രാജു ഭവനില്‍ കുമാരന്‍ മകന്‍ കൊച്ചനി എന്ന അനില്‍ കുമാര്‍ (42) നെ ആണ് കാപ്പ നിയമം ചുമത്തി കൊല്ലം സിറ്റി പോലീസ് ജില്ലയില്‍ നിന്നും ആറുമാസ കാലയളവിലേക്ക് പുറത്താക്കിയത്. 2002 കാലയളവ് മുതല്‍ കൊല്ലം സിറ്റി പോലീസ് ജില്ലയില്‍ ചവറ, തെക്കുംഭാഗം എന്നീ പോലീസ് സ്റ്റേഷന്‍ പരിധികളിലുള്‍പ്പെട്ട സ്ഥലങ്ങളിലും പരിസര പ്രദേശങ്ങളിലും വ്യക്തികള്‍ക്ക് നേരെയുള്ള കയ്യേറ്റം, അതിക്രമം, ഭീഷണിപ്പെടുത്തല്‍, മോഷണം, സ്ത്രീകള്‍ക്ക് നേരെയുള്ള അതിക്രമം തുടങ്ങിയ കുറ്റകൃത്യങ്ങള്‍ക്ക് ആറ് ക്രിമിനല്‍ കേസുകളാണ് നിലവിലുള്ളത്. കൊല്ലം സിറ്റി പോലീസ് മേധാവി വിവേക് കുമാര്‍ ഐ.പി.എസ് സമര്‍പ്പിച്ച റിപ്പോര്‍ട്ടിന്‍ പ്രകാരം തിരുവനന്തപുരം റേഞ്ച് ഡി.ഐ.ജി നിശാന്തിനി ഐപിഎസ് ആണ് ജില്ലയില്‍ നിന്നും നാട് കടത്തി ഉത്തരവിറക്കിയത്.
നിരോധന ഉത്തരവ് ലംഘിച്ച് ഇയാള്‍ കൊല്ലം സിറ്റി പോലീസ് ജില്ലയില്‍ പ്രവേശിച്ചതായി ശ്രദ്ധയില്‍പ്പെട്ടാല്‍ പൊതുജനങ്ങള്‍ 1090, 0474-2742042, 0474-2742265, 9497947129 എന്നീ നമ്പരുകളില്‍ അറിയിക്കണമെന്ന് ജില്ലാ പോലീസ്