സംസ്ഥാനത്തെ വിവിധ ഭാഗങ്ങളിൽനിന്ന് വ്യാജചാരയം പിടികൂടി എക്സൈസ്

ഇടുക്കി/ആലുവ : ഉടുമ്പൻചോലയിൽ 45 ലിറ്റർ വാറ്റ് ചാരായവും 400 ലിറ്റർ കോടയുമായി രണ്ടുപേരെ പിടികൂടി.ഉടുമ്പൻചോല കാന്തിപ്പാറ സ്വദേശി ബാബു(39), ഇടുക്കി വാത്തിക്കുടി സ്വദേശി ജോബി ജോസഫ് (42) എന്നിവരാണ് അറസ്റ്റിലായത്.

അടിമാലി എക്‌സൈസ് എൻഫോഴ്സ്മെന്റ് സ്ക്വാഡിലെ അസിസ്റ്റന്റ് എക്‌സൈസ് ഇൻസ്‌പെക്ടർ (ഗ്രേഡ്) ദിലീപ്.എൻ.കെ യും സംഘവും ചേർന്നാണ് ചാരായം പിടികൂടിയത്. സിവിൽ എക്‌സൈസ് ഓഫീസർമാരായ സുരേഷ്.കെ.എം, അബ്ദുൾ ലത്തീഫ്.സി.എം, പ്രശാന്ത്.വി, യദുവംശരാജ്, ധനിഷ് പുഷ്പചന്ദ്രൻ എന്നിവരും റെയ്ഡിൽ പങ്കെടുത്തു.

ആലുവ: അയ്യമ്പുഴയിൽ 6 ലിറ്റർ ചാരായവും വാറ്റുപകരണങ്ങളുമായി കറുകുറ്റി സ്വദേശി രജി.എ.എൻ (47) എക്സൈസ് പിടിയിലായി.

കാലടി റേഞ്ച് അസിസ്റ്റന്റ് എക്സൈസ് ഇൻസ്‌പെകർ കെ.പി.ലത്തീഫും സംഘവും ചേർന്നാണ് പ്രതിയെ പിടികൂടിയത്. അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) കെ.എ.നൈസാം, സിവിൽ എക്സൈസ് ഓഫീസർമാരായ അജി.പി.എൻ, ഗോപി.കെ, സിവിൽ എക്സൈസ് ഓഫീസർ ഡ്രൈവർ സജീഷ്.പി.ബി എന്നിവരും പരിശോധനയിൽ പങ്കെടുത്തു.