കോൺഗ്രസ് ബിജെപി പ്രതിഷേധം ; നവ കേരള സദസ്സ് കടന്നുപോകുന്ന സ്ഥലങ്ങളിൽ റെഡ് സോൺ പ്രഖ്യാപിച്ചു

തിരുവനന്തപുരം: നവ കേരള യാത്ര കടന്നുപോകുന്ന സ്ഥലങ്ങളെ താത്കാലിക റെഡ് സോണുകളായി പ്രഖ്യാപിച്ചു. നവകേരള സദസ്സ് നടക്കുന്ന നൂറ് മീറ്റർ ചുറ്റളവിലുള്ള പ്രദേശങ്ങളും നവകേരള സദസ് കടന്നു പോകുന്ന റൂട്ടുകളിലെ നൂറ് മീറ്റർ ചുറ്റളവിലുള്ള പ്രദേശങ്ങളുമാണ് താത്കാലിക റെഡ് സോണിൽ ഉൾപ്പെടുത്തിയിരിക്കുന്നത്. വേദി , പരിസര പ്രദേശം, നവ കേരള ബസ് കടന്നുപോകുന്ന വഴികൾ എന്നിവിടങ്ങളിൽ ഡ്രോൺ പാടില്ല. വർക്കല മുതൽ പാറശ്ശാല വരെയുള്ള സ്റ്റേഷൻ പരിധികളിൽ നടക്കുന്ന പരിപാടിയിലാണ് നിയന്ത്രണം.
നവ കേരള സദസ്സിനെതിരെ ബിജെപി കോൺഗ്രസ് പ്രതിഷേധം ശക്തമായതിനെ തുടർന്നാണ് നവ കേരള യാത്ര കടന്നുപോകുന്ന പ്രദേശങ്ങളിൽ റെഡ് സോൺ പ്രഖ്യാപിച്ചത്.
കഴിഞ്ഞദിവസം കൊല്ലത്ത് കോൺഗ്രസ് പ്രവർത്തകർ ഡ്രോൺ പറത്തി പ്രതിഷേധിച്ചിരുന്നു.