കുട്ടികളെ തട്ടിക്കൊണ്ടു പോകാൻ ശ്രമം ; പിടിയിൽ ആയപ്പോൾ പ്രാങ്കിനുവേണ്ടി എന്ന് യുവാക്കൾ

മലപ്പുറം: കുട്ടികളെ തട്ടിക്കൊണ്ടു പോകാൻ ശ്രമിച്ച രണ്ടുപേർ പിടിയിൽ. മലപ്പുറം താനൂരിൽ ആണ് സംഭവം നടന്നത്. താനൂർ സ്വദേശികളായ സുൾഫിക്കർ, യാസീൻ എന്നിവരാണ് അറസ്റ്റിലായത്. ഇരുചക്ര വാഹനത്തിൽ എത്തിയാണ് ഇരുവരും കുട്ടികളെ തട്ടികൊണ്ടുപോകാൻ ശ്രമിച്ചത്. കുട്ടികളുടെ എതിർപ്പും ബഹളവും കാരണമാണ് തട്ടികൊണ്ടുപോകല്‍ ശ്രമം ഉപേക്ഷിച്ചതെന്ന് പൊലീസ് പറയുന്നു. എന്നാൽ ‘പ്രാങ്കി’ന് വേണ്ടി ചെയ്തതെന്നാണ് പ്രതികൾ പൊലീസിനോട് പറയുന്നത്.