ഡ്രൈവിംഗ് ടെസ്റ്റിൽ മാറ്റങ്ങൾ കൊണ്ടുവരാൻ പത്ത് അംഗ സമിതി
തിരുവനന്തപുരം : സംസ്ഥാനത്തെ ഡ്രൈവിങ് ടെസ്റ്റിലും ലേണേഴ്‌സ് പരീക്ഷയിലും കാലോചിതമായ മാറ്റങ്ങൾ വരുത്തുമെന്ന് ഗതാഗതവകുപ്പ് മന്ത്രി. പുതിയ പരിഷ്‌ക്കാരങ്ങൾ കൊണ്ടുവരുന്നതിനായി സീനിയർ ഡപ്യൂട്ടി ട്രാൻസ്‌പോർട്ട് കമ്മീഷണർ അധ്യക്ഷനായ 10 അംഗ കമ്മിറ്റിയെ നിയോഗിച്ചു. ഒരാഴ്ച്ചക്കകം റിപ്പോർട്ട് സമർപ്പിക്കണമെന്നാണ് നിർദ്ദേശം. അപകടങ്ങൾ വർധിക്കുന്നതിന് കാരണം ഡ്രൈവിങ് ടെസ്റ്റുകൾ പരിഷ്കരിക്കാത്തത് കൊണ്ടാണെന്ന നിഗമനത്തിലാണ് മന്ത്രി കെ ബി ഗണേഷ് കുമാർ പുതിയ നിർദ്ദേശം നൽകിയത്.