കെ സുരേന്ദ്രന്റെ നേതൃത്വത്തിൽ എൻ ഡി എയുടെ പദയാത്ര ആരംഭിച്ചു
കാസർകോട്: ബിജെപി സംസ്ഥാന അധ്യക്ഷൻ കെ.സുരേന്ദ്രൻ നയിക്കുന്ന എൻഡിഎ കേരള പദയാത്രയ്ക്ക് കാസർകോട്ട് നിന്ന് തുടക്കം .വിഘ്നേശ്വര ക്ഷേത്രത്തിൽ ദർശനം നടത്തിയതിനുശേഷം ആണ് പദയാത്ര ആരംഭിച്ചത്.
കാസർകോട്, താളിപ്പടപ്പ് മൈതാനിയിൽ വൈകിട്ട് മൂന്നിന് കേന്ദ്ര ആഭ്യന്തര മന്ത്രി അമിത് ഷാ ഉദ്ഘാടനം ചെയ്യും. ലോക്‌സഭാ മണ്ഡലങ്ങളിലൂടെയുള്ള ഒരു മാസത്തെ പര്യടനം, കേന്ദ്ര നേട്ടങ്ങൾ ഊന്നിയുള്ള രാഷ്ട്രീയ പ്രചാരണമാണ് ലക്ഷ്യം വെയ്ക്കുന്നത്.
പദയാത്രയുടെ ഭാഗമായി ഓരോ മണ്ഡലത്തിലും മത, സാമുദായിക സാംസ്കാരിക നേതാക്കളുമായി കെ.സുരേന്ദ്രൻ കൂടിക്കാഴ്ച്ച നടത്തും. ഉച്ചയ്ക്ക് 12നാണ് കാസർകോട്ടെ കൂടിക്കാഴ്ച്ച. വൈകിട്ട് ആറിന് മേൽപ്പറമ്പിലാണ് കേരള പദയാത്രയുടെ ജില്ലയിലെ സമാപനം.