സ്വന്തം പിതാവിനോട് ക്രൂരത ; കിടപ്പുരോഗിയായ പിതാവിനെ ഉപേക്ഷിച്ച് മകനും കുടുംബവും

എറണാകുളം : എരൂർ വൈമേതിയിൽ കിടപ്പ് രോഗിയായ പിതാവിനെ ഉപേക്ഷിച്ച് മകനും കുടുംബവും. മൂന്നു മക്കളുള്ള ഷണ്മുഖനെയാണ് മകൻ അജിത്ത് വാടകവീട്ടിൽ ഉപേക്ഷിച്ചത്.
വാടക വീടിന്റെ ഉടമയാണ് നിലവിൽ വൃദ്ധന് ഭക്ഷണവും വെള്ളവും നൽകുന്നത്.

കിടപ്പുരോഗിയായ ഷണ്മുഖനെ തൃപ്പൂണിത്തറ താലൂക്ക് ആശുപത്രിയിലേക്ക് മാറ്റുമെന്ന് ഏരൂർ നഗരസഭ വൈസ് ചെയർമാനും വാർഡ് കൗൺസിലറുമായ കെ കെ പ്രദീപ് പറഞ്ഞു. മകനെതിരെ കേസ് നൽകുമെന്നും അദ്ദേഹം അറിയിച്ചു.