കൊല്ലത്ത് കഞ്ചാവ് ചെടി കണ്ടെത്തി എക്സൈസ്

കൊല്ലം : കൊല്ലം എക്‌സൈസ് റേഞ്ച് ഉദ്യോഗസ്ഥർ നടത്തിയ പരിശോധനയിൽ കഞ്ചാവ് ചെടി കണ്ടെത്തി.
എക്സൈസ് ഇൻ്റലിജെൻസ് ബ്യൂറോ അറിയിച്ചതിനെ തുടർന്ന് എക്സൈസ് ഇൻസ്പെക്ടർ വിഷ്ണുവിന്റെ നിർദ്ദേശാനുസരണം ഗ്രേഡ് അസിസ്റ്റൻറ് എക്സൈസ് ഇൻസ്പെക്ടർ ആർ ജി വിനോദിന്റെ നേതൃത്വത്തിൽ നടത്തിയ പരിശോധനയിൽ കൊല്ലം മാടൻനടയ്ക്ക് സമീപം വെണ്ടർമുക്ക് ആദിക്കാട് ശ്രീകൃഷ്ണസ്വാമി ക്ഷേത്രത്തിലേക്ക് പോകുന്ന റോഡിൻറെ പടിഞ്ഞാറ് ഭാഗത്ത് റോഡരികിൽ നിന്നാണ് 50 സെൻറീമീറ്റർ നീളമുള്ള ഒരു കഞ്ചാവ് ചെടി കണ്ടെടുത്തത്.
ഗ്രേഡ് അസിസ്റ്റൻറ് എക്സൈസ് ഇൻസ്പെക്ടർ എസ്. ബിനുലാൽ, സിവിൽ എക്സൈസ് ഓഫീസർ കെ.പി. ഉണ്ണികൃഷ്ണൻ, എക്സൈസ് ഡ്രൈവർ വിശ്വനാഥൻ എന്നിവർ പരിശോധനയിൽ പങ്കെടുത്തു.