സഹോദരനെ കഴുത്തില് കയര് കുരുക്കി കൊന്നു
ചെങ്ങന്നൂര് : ഉറങ്ങിക്കിടന്ന സഹോദരനെ കഴുത്തില് കയര് കുരുക്കി അനുജന് കൊലപ്പെടുത്തി.ഇന്നലെ പുലര്ച്ചെ മൂന്ന് മണിയോടെയാണ് നാടിനെ നടുക്കിയ സംഭവം നടന്നത്. ചെങ്ങന്നൂര് തിട്ടമേല് മാര്ത്തോമാ അരമനയ്ക്കു സമീപം ചക്രപാണിയില് പ്രസന്നന് (47) ആണ് കൊല്ലപ്പെട്ടത്.സംഭവത്തില് ഇളയ സഹോദരന് പ്രസാദി(45) നെ ചെങ്ങന്നൂര് പൊലിസ് അറസ്റ്റ് ചെയ്തു.
ചോദ്യം ചെയ്യലില് ഇയാള് കുറ്റം സമ്മതിച്ചതായി പൊലിസ് പറഞ്ഞു. കഴിഞ്ഞ ദിവസം ഇരുവരും തമ്മില് നടന്ന കലഹത്തിന്റെ തുടര്ച്ചയാണ് കൊലപാതകം.
നിരന്തരം ഇവര് തമ്മില് മദ്യപിച്ച് വഴക്കിടുകയും പ്രസന്നനെ മര്ദ്ദിക്കുകയും ചെയ്യുന്നതിനാല് പ്രസാദിനെ ഭയന്ന് പ്രസന്നന് രാത്രി വൈകിയാണ് വീട്ടില്എത്തിയിരുന്നത്.
വീട്ടില് നടന്ന വഴക്കിനെത്തുടര്ന്ന് പുറത്തുപോയ പ്രസന്നന് ഇന്നലെ പുലര്ച്ചെ രണ്ടു മണിയോടെയാണ് വീട്ടിലെത്തി ഉറങ്ങാന് കിടന്നത്. തുടർന്നാണ് കൊലപാതകം നടന്നതെന്നാണ് പ്രാഥമിക വിവരം
ഇവരുടെ മറ്റൊരു സഹോദരനെ ഒരു വര്ഷം മുമ്പ് ആത്മഹത്യ ചെയ്ത നിലയില് കണ്ടെത്തിയിരുന്നതായി പോലീസ് പറഞ്ഞു.