കൊല്ലത്ത് വിദ്യാർത്ഥിയെ വീട്ടിൽ കയറി കുത്തിക്കൊന്നു

കൊല്ലം: ഉളിയകോവിലിൽ വിദ്യാർത്ഥിയെ വീട്ടിൽ കയറി കുത്തിക്കൊന്നു.ഉളിയകോവിൽ സ്വദേശി ഫെവിൻ ജോർജി (21) നെ ആണ് വീട്ടിൽ കയറി കുത്തി കൊലപ്പെടുത്തിയത്. നീണ്ടകര സ്വദേശിയായ തേജസ് രാജാണ് കൊലപാതകം നടത്തിയത്.
തടയാൻ എത്തിയ പിതാവ് ഗോമസിനും കുത്തേറ്റു. കൊല്ലം ഫാത്തിമത കോളേജിലെ രണ്ടാം വർഷ ബിസിഎ വിദ്യാർത്ഥിയാണ് ഫെബിൻ.
കാറിൽ എത്തിയ ആളാണ് ആക്രമണം നടത്തിയത്. അക്രമണത്തിന്റെ കാരണം വ്യക്തമായിട്ടില്ല
പര്‍ദ്ദ ധരിച്ചെത്തിയ തേജസ് ഫെബിനെ വീട്ടില്‍ നിന്ന് വിളിച്ചിറക്കി കുത്തുകയായിരുന്നു. പ്രതി സഞ്ചരിച്ച കാര്‍ കടപ്പാക്കടയിലെ റെയില്‍വേ പാളത്തിന് സമീപത്ത് നിന്നും പൊലീസ് കണ്ടെടുത്തു. തുടർന്ന് നടത്തിയ പരിശോധനയിൽ ഫെവിനെ കൊലപ്പെടുത്തിയ തേജസ് രാജിനെ ട്രെയിനിനു മുന്നില്‍ ചാടി ആത്മഹത്യ ചെയ്ത നിലയിൽ കണ്ടെത്തി.