മയക്കുമരുന്നുമായി മൂന്ന് യുവാക്കളെ എക്സൈസ് പിടികൂടി
വയനാട് : ഓപ്പറേഷൻ ക്ലീൻ സ്ലേറ്റ് സ്പെഷ്യൽ ഡ്രൈവിൻ്റെ ഭാഗമായി കൽപ്പറ്റയിൽ നടന്ന വാഹന പരിശോധനയിൽ ഹെറോയിനും കഞ്ചാവുമായി മൂന്ന് യുവാക്കളെ പിടികൂടി. കൊണ്ടോട്ടി സ്വദേശികളായ മുഹമ്മദ് ആഷിഖ് (31), ടി ജംഷാദ് (23), തിരൂരങ്ങാടി സ്വദേശി ഫായിസ് മുബഷിർ (30) എന്നിവരാണ് പിടിയിലായത്. ഇവരിൽ നിന്നും ഒരു ഗ്രാം ഹെറോയിനും, 50 ഗ്രാം കഞ്ചാവും കണ്ടെടുത്തു. മയക്കുമരുന്നുകൾ കടത്തിക്കൊണ്ട് വരാൻ ഉപയോഗിച്ച കാറും, മയക്കുമരുന്ന് വിൽപ്പനയ്ക്ക് ഉപയോഗിച്ച മൊബൈൽ ഫോണും എക്സൈസ് കസ്റ്റഡിയിലെടുത്തു.
നിരവധി ക്രിമിനൽ കേസുകളിൽ ഉൾപ്പെട്ട പിടികിട്ടാപ്പുള്ളിയായ മുഹമ്മദ് ആഷിഖിനെ 300 ഗ്രാം എം ഡി എം എ കടത്തിയതുമായി ബന്ധപ്പെട്ട കേസിൽ കൊച്ചി സിറ്റി പോലീസ് എത്തിച്ചേർന്ന് ഫോർമൽ അറസ്റ്റ് നടത്തി. കൽപ്പറ്റ എക്സൈസ് സർക്കിൾ ഇൻസ്പെക്ടർ ഷർഫുദ്ദീന്റെ നേതൃത്വത്തിൽ പ്രിവൻ്റീവ് ഓഫീസർ കെ എം ലത്തീഫ്, സിവിൽ എക്സൈസ് ഓഫീസർമാരായ പി.പി.ശിവൻ, പി സി സജിത്ത്, വിഷ്ണ, അൻവർ സാദിഖ്, ബി സുദീപ്, വനിതാ സിവിൽ എക്സൈസ് ഓഫീസർ കെ വി സൂര്യ എന്നിവർ ചേർന്നാണ് പ്രതികളെ പിടികൂടിയത്