കുവൈത്തിൽ മലയാളി ദമ്പതികളെ കുത്തേറ്റ് മരിച്ച നിലയിൽ കണ്ടെത്തി.

കുവൈത്ത് സിറ്റി : മലയാളി ദമ്പതികളെ കുവൈറ്റിൽ കുത്തേറ്റ് മരിച്ച നിലയിൽ കണ്ടെത്തി.എറണാകുളം സ്വദേശികളായ ശ്രീ സൂരജ്, ഭാര്യ ശ്രീമതി ബിൻസി സൂരജ് ദമ്പതികളെ അബ്ബാസിയ യുണൈറ്റഡ് ഇന്ത്യൻ സ്കൂളിന് സമീപത്തെ താമസ സ്ഥലത്താണ് കുത്തേറ്റ് മരിച്ച നിലയിൽ കണ്ടെത്തിയത്.

ശ്രീ സൂരജ് കുവൈറ്റ്‌ ആരോഗ്യ മന്ത്രാലയത്തിലെ ജാബർ ഹോസ്പിറ്റലിലെയും,  ഭാര്യ ശ്രീമതി ബിൻസി സൂരജ് കുവൈറ്റ്‌ ഡിഫെൻസ് ഹോസ്പിറ്റിലെയും സ്റ്റാഫ് നഴ്‌സുമാരായിരുന്നു. ഇവർ കുടുംബത്തോടെ ജോലിക്കായി ഓസ്ട്രേലിയയിലേക്ക് പോകുവാൻ വേണ്ടി എല്ലാ ക്രമീകരണങ്ങളും പൂർത്തീകരിച്ചിരുന്നതായി അറിയുന്നു. മൂത്ത മകളും, ഇളയ മകനും ഇരുവരും നാട്ടിൽ കുടുംബത്തോടൊപ്പം ആണ്.
പോലീസ് സ്ഥലത്ത് എത്തി തുടർ നടപടികൾ സ്വീകരിച്ചു.