ഒരു ഗഡു ക്ഷേമ പെൻഷൻകൂടി അനുവദിച്ചു
തിരുവനന്തപുരം : ഒരു ഗഡു ക്ഷേമ പെൻഷൻകൂടി അനുവദിച്ചു. സാമൂഹ്യസുരക്ഷ, ക്ഷേമനിധി ഗുണഭോക്താക്കൾക്ക്‌ ജൂൺ മാസത്തെ പെൻഷൻ ഈ മാസം 20ന് വിതരണം ചെയ്യുമെന്ന് ധനമന്ത്രി അറിയിച്ചു.
60 ലക്ഷത്തോളം പേർക്കാണ്‌ 1600 രൂപവീതം ലഭിക്കുന്നത്‌. ഈ ആഴ്‌ച ഗുണഭോക്താക്കൾക്ക്‌ പെൻഷൻ ലഭിച്ചുതുടങ്ങും.
26 ലക്ഷത്തിലേറെ പേർക്ക്‌ ബാങ്ക്‌ അക്കൗണ്ടിൽ തുക എത്തും. മറ്റുള്ളവർക്ക്‌ സഹകരണ ബാങ്കുകൾ വഴി വീട്ടിലെത്തി പെൻഷൻ കൈമാറും.