തലശ്ശേരി മാഹി ബൈപ്പാസ് തിങ്കളാഴ്ച പ്രധാനമന്ത്രി നാടിന് സമർപ്പിക്കും
കണ്ണൂര്‍: തലശേരി- മാഹി ബെപ്പാസ് പ്രധാനമന്ത്രി 11ന് നാടിന് സമര്‍പ്പിക്കും. നരേന്ദ്ര മോദി ഓണ്‍ലൈനായി ഉദ്ഘാടനം ചെയ്യുന്ന ചടങ്ങില്‍ മുഖ്യമന്ത്രിമാരായ പിണറായി വിജയന്‍, എന്‍ രങ്കസ്വാമി (പുതുച്ചേരി), കേന്ദ്ര ഉപരിതലഗതാഗതമന്ത്രി നിതിന്‍ ഗഡ്കരി, ഗവര്‍ണര്‍മാരായ ആരിഫ് മുഹമ്മദ്ഖാന്‍, തമിഴിസൈ സൗന്ദര്‍രാജന്‍ (പുതുച്ചേരി), പൊതുമരാമത്ത് മന്ത്രി പി എ മുഹമ്മദ് റിയാസ്, സ്പീക്കര്‍ എ എന്‍ ഷംസീര്‍ തുടങ്ങിയവര്‍ പങ്കെടുക്കും.
ബൈപ്പാസ് തുറക്കുന്നതോടെ തലശേരി- മാഹി ദേശീയപാത വഴിയുള്ള ചരക്കുവാഹന ഗതാഗതം ഗണ്യമായി കുറയും ട്രയല്‍ റണ്ണിനായി വ്യാഴാഴ്ച വൈകീട്ട് ബൈപ്പാസ് തുറന്നിരുന്നു.