വിവാഹ മധ്യസ്ഥ ചർച്ച; ജമാഅത്ത് പ്രസിഡന്റ് കൊല്ലപ്പെട്ടു

കൊല്ലം/കരുനാഗപ്പള്ളി : വിവാഹ മധ്യസ്ഥ ചർച്ചയ്ക്ക് എത്തിയ പൊതുപ്രവർത്തകൻ വധുവിന്റെ ബന്ധുക്കളുടെ ആക്രമണത്തിൽ കൊല്ലപ്പെട്ടു. ജമാഅത്ത് പ്രസിഡന്റും, തൊടിയൂർ ഗ്രാമ പഞ്ചായത്ത് വൈസ് പ്രസിഡന്റുമായ
സലിം മണ്ണേൽ ആണ് ആക്രമണത്തിൽ കൊല്ലപ്പെട്ടത്. കരുനാഗപ്പള്ളി പോലീസ് കൊലപാതകത്തിന് കേസ്സെടുത്തു.
സംഭവത്തെക്കുറിച്ച് പോലീസ് പറയുന്നത്.
പാലോലിക്കുളങ്ങര മുസ്ലീം ജമാഅത്തിൽപ്പെട്ട ഷമീറും, കോയിവിള മുസ്ലീം ജമാ അത്തിൽ പ്പെട്ട സുൽഫത്തും തമ്മിലുള്ള ദാമ്പത്യ ജീവിത പ്രശ്നങ്ങൾ മധ്യസ്ഥ ചർച്ചയിൽ പരിഹരിക്കാൻ ഇരു കൂട്ടരുടെയും ബന്ധുക്കൾ പാലോലിക്കുളങ്ങര ജമാഅത്ത് ഓഫീസിൽ ഇന്ന് (വെള്ളി) വൈകിട്ട് 4 മണിക്ക് ഒത്തുകൂടി.
തുടർന്ന് ചർച്ച മുന്നോട്ട് പോകവേ വധുവിന്റെ ബന്ധുക്കൾ നിരവധി പേർ ചർച്ച നടക്കുന്ന ഓഫീസിലേക്ക് എത്തി തുടർന്നാണ് ചർച്ച അക്രമത്തിലേക്ക് വഴി മാറിയത്.
വധുവിന്റെ ബന്ധുക്കൾ ഒരു പ്രകോപനവുമില്ലാതെ സലിം മണ്ണേലിനെ മർദ്ദിക്കുകയായിരുന്നു.
മൃതദേഹം കരുനാഗപ്പള്ളിയിലെ സ്വകാര്യ ആശുപത്രിയിലേക്ക് മാറ്റി . സംഭവ സ്ഥലത്ത് പോലീസ് ക്യാമ്പ് ചെയ്യുന്നു.

ജിതേഷ് കരുനാഗപ്പള്ളി