കോഴഞ്ചേരി: റിസോർട്ട് ജീവനക്കാരിയുടെ കൊലപാതകക്കേസിൽ പ്രതി ജിത്തു സജി (28)യെ പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി റിമാൻഡ് ചെയ്തു.
കൃത്യം നടന്ന സ്ഥലത്ത് പൊലീസ് സയന്റിഫിക് ഓഫീസർ, ഫിംഗർപ്രിന്റ് വിദഗ്ധർ, ഫോട്ടോഗ്രാഫർ എന്നിവർ പരിശോധന നടത്തി തെളിവുകൾ ശേഖരിച്ചു. കൊലപാതകത്തിന് ഉപയോഗിച്ച കത്തിയും കവറും ഉൾപ്പെടെയുള്ള തെളിവുകളും കണ്ടെത്തി. പ്രതിക്കെതിരെ ആറന്മുള, ചേർത്തല സ്റ്റേഷനുകളിലും ചെങ്ങന്നൂർ സ്റ്റേഷനിൽ മയക്കുമരുന്ന് കേസിലും കേസുകളുണ്ടെന്ന് പൊലീസ് അറിയിച്ചു.
