ഗോവ: പ്രമുഖ ഹിന്ദി-മറാത്തി നടൻ നാനാ പടേക്കർ (75) അന്തരിച്ചു. ഗോവയിലെ ഡോണ പൗളയിലുള്ള വസതിയിൽ ഇന്ന് പുലർച്ചെയുണ്ടായ ഹൃദയാഘാതത്തെ തുടർന്നായിരുന്നു അന്ത്യം. പുലർച്ചെ 5.20ഓടെയാണ് അദ്ദേഹത്തെ അബോധാവസ്ഥയിൽ കണ്ടെത്തിയത്. തുടർന്ന് മാണിപ്പാൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ആശുപത്രിയിലെത്തിച്ച ശേഷം ഏകദേശം 45 മിനിറ്റോളം സി.പി.ആർ. നൽകിയെങ്കിലും പ്രതികരിച്ചില്ലെന്ന് ആശുപത്രി അധികൃതർ അറിയിച്ചു. മരണവുമായി ബന്ധപ്പെട്ട് മെഡിക്കോ-ലീഗൽ കേസ് രജിസ്റ്റർ ചെയ്തിട്ടുണ്ട്. മരണകാരണം കൃത്യമായി സ്ഥിരീകരിക്കുന്നതിനായി പോസ്റ്റ്മോർട്ടം നടത്തുമെന്നും അധികൃതർ വ്യക്തമാക്കി.
നാലുപതിറ്റാണ്ടിലേറെ നീണ്ട അഭിനയജീവിതത്തിൽ ഹിന്ദി, മറാത്തി സിനിമകളിൽ ശ്രദ്ധേയമായ നിരവധി കഥാപാത്രങ്ങളെ നാനാ പടേക്കർ അവതരിപ്പിച്ചു. പരിന്ദ, ക്രാന്തിവീർ, അഗ്നിസാക്ഷി, ഖാമോഷി: ദ മ്യൂസിക്കൽ, അബ് തക് ഛപ്പൻ, വെൽക്കം തുടങ്ങിയ ചിത്രങ്ങളിലെ പ്രകടനം ഏറെ ശ്രദ്ധിക്കപ്പെട്ടു. ദേശീയ ചലച്ചിത്ര പുരസ്കാരം ഉൾപ്പെടെ നിരവധി പുരസ്കാരങ്ങൾ നേടിയിട്ടുണ്ട്.
അഭിനയത്തിന് പുറമെ സംവിധായകനായും എഴുത്തുകാരനായും നാനാ പടേക്കർ പ്രവർത്തിച്ചു. കർഷക ആത്മഹത്യകൾ ഉൾപ്പെടെയുള്ള സാമൂഹിക വിഷയങ്ങളിൽ ഇടപെട്ടിരുന്ന അദ്ദേഹം സഹായപ്രവർത്തനങ്ങളിലും സജീവമായിരുന്നു.
നാനാ പടേക്കറുടെ അപ്രതീക്ഷിത വിയോഗത്തിൽ ഇന്ത്യൻ സിനിമാലോകത്തും ആരാധകർക്കിടയിലും ദുഃഖം.
