കൊല്ലം: രക്തത്തിലെ പ്രത്യേക ഘടകങ്ങൾ വേർതിരിച്ചെടുക്കുന്ന ആധുനിക ചികിത്സാസാങ്കേതികവിദ്യയായ അഫെറസിസ് സേവനത്തിന് ട്രാവൻകൂർ മെഡിസിറ്റിയിൽ തുടക്കമായി. ജില്ലാ കളക്ടർ ആനി ജൂല തോമസ് ഐ.എ.എസ്. സേവനത്തിന്റെ ഉദ്ഘാടനം നിർവഹിച്ചു. ആധുനിക ചികിത്സാസൗകര്യങ്ങൾ ജില്ലയിൽത്തന്നെ ലഭ്യമാക്കുന്നതിൽ പുതിയ സംവിധാനം നിർണായക ചുവടുവയ്പ്പാണെന്ന് കളക്ടർ പറഞ്ഞു. രക്തത്തിൽനിന്ന് പ്ലാസ്മ, പ്ലേറ്റ്‌ലെറ്റുകൾ തുടങ്ങിയ പ്രത്യേക ഘടകങ്ങൾ വേർതിരിച്ചെടുക്കുകയും ആവശ്യമുള്ള മറ്റ് ഘടകങ്ങൾ ശരീരത്തിലേക്ക് തിരികെ നൽകുകയും ചെയ്യുന്ന രീതിയാണ് അഫെറസിസ്. രോഗിയുടെ ആരോഗ്യസ്ഥിതിക്കും ചികിത്സാ ആവശ്യങ്ങൾക്കും അനുസരിച്ച് വിവിധ രക്തഘടകങ്ങൾ വേർതിരിച്ചെടുക്കാൻ…

കൊല്ലം: കേരള സർക്കാരിന്റെ പ്രതിനിധിയായി ക്യാബിനറ്റ് റാങ്കോടെ ന്യൂഡൽഹിയിൽ നിയമിതനായ ഓൾ ഇന്ത്യ ഫോർവേഡ് ബ്ലോക്ക് ദേശീയ ജനറൽ സെക്രട്ടറി ജി. ദേവരാജനെ ജേർണലിസ്റ്റ് ആൻഡ് മീഡിയ അസോസിയേഷൻ (ജെ.എം.എ) ഭാരവാഹികൾ മൊമെന്റോ നൽകി ആദരിച്ചു. നേതാജി സുഭാഷ് ചന്ദ്രബോസ് 1939-ൽ സ്ഥാപിച്ച ഫോർവേഡ് ബ്ലോക്ക് ദേശീയ പ്രസ്ഥാനത്തിന്റെ പാരമ്പര്യം ഉയർത്തിപ്പിടിച്ച് പ്രവർത്തിക്കുന്ന രാഷ്ട്രീയ സംഘടനയാണ്. ദേശീയ രാഷ്ട്രീയത്തിൽ സജീവമായ ജി. ദേവരാജൻ കേരള സർക്കാരിന്റെ ഡൽഹിയിലെ പ്രതിനിധിയായി ചുമതലയേറ്റത് ശ്രദ്ധേയമാണ്. മാധ്യമപ്രവർത്തകരുടെ അവകാശസംരക്ഷണം, തൊഴിൽപരമായ സുരക്ഷ,…

കൊച്ചി: സിഎംആർഎൽ–എക്സാലോജിക് മാസപ്പടി കേസിൽ പ്രതിപക്ഷ നേതാവ് പിണറായി വിജയന് ഹൈക്കോടതിയിൽ തിരിച്ചടി. കേസിൽ എഫ്‌ഐആർ രജിസ്റ്റർ ചെയ്യാൻ നിർദേശിച്ച സിംഗിൾ ബെഞ്ച് ഉത്തരവിനെ ചോദ്യം ചെയ്ത് പിണറായി വിജയനും മകൾ ടി. വീണയും പി.എ. മുഹമ്മദ് റിയാസും നൽകിയ അപ്പീൽ അനുമതി ഹർജി ഹൈക്കോടതി ഡിവിഷൻ ബെഞ്ച് തള്ളി. ജസ്റ്റിസ് കെ. നടരാജനും ജസ്റ്റിസ് ജോൺസൺ ജോണും ഉൾപ്പെട്ട ഡിവിഷൻ ബെഞ്ചിന്റേതാണ് നടപടി. ഇതോടെ സിംഗിൾ ബെഞ്ച് ഉത്തരവിനെതിരായ അപ്പീൽ നടപടികൾക്ക് അനുമതി ലഭിക്കാത്ത സാഹചര്യമാണുള്ളത്….

ഭക്തർക്കായി മാറ്റിവച്ച 400 മുറികളിൽ ഭൂരിഭാഗവും ഇടനിലക്കാരുടെ കൈവശമെന്ന് പരാതി പത്തനംതിട്ട: ശബരിമല സന്നിധാനത്തെ ദേവസ്വം ഗസ്റ്റ് ഹൗസുകളിലെ ഓൺലൈൻ മുറി ബുക്കിങ് സംവിധാനത്തിൽ ക്രമക്കേടുകൾ നടക്കുന്നതായി ആരോപണം. അയ്യപ്പഭക്തർക്കായി ഓൺലൈൻ വഴി ബുക്ക് ചെയ്യാൻ ലഭ്യമാക്കിയ 400 മുറികളിൽ ഭൂരിഭാഗവും ഇടനിലക്കാർ കൈവശപ്പെടുത്തിയെന്നാണ് ഉയരുന്ന പരാതി. ഭക്തർക്ക് കൂടുതൽ സൗകര്യത്തോടെ താമസമുറികൾ മുൻകൂട്ടി ഉറപ്പാക്കാൻ ലക്ഷ്യമിട്ട് വിപുലീകരിച്ച സംവിധാനത്തിന്റെ പ്രയോജനം സാധാരണ തീർഥാടകർക്ക് ലഭിക്കുന്നുണ്ടോയെന്ന ചോദ്യവും ഇതോടെ ഉയരുന്നു. ശബരിമലയിലെ സേവനങ്ങൾ കൂടുതൽ സുതാര്യവും കാര്യക്ഷമവുമാക്കുന്നതിന്റെ…

പടിയിറങ്ങിയത് പാരമ്പര്യ നെൽവിത്തുകളുടെ കാവൽക്കാരൻ വയനാട്: പത്മശ്രീ പുരസ്കാര ജേതാവും പാരമ്പര്യ നെൽവിത്തുകളുടെ സംരക്ഷകനുമായ ചെറുവയൽ രാമൻ (74) അന്തരിച്ചു. ഹൃദയസംബന്ധമായ അസുഖങ്ങളെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയായിരുന്നു അന്ത്യം. പാരമ്പര്യ കൃഷിരീതികളുടെയും നാടൻ നെൽവിത്തുകളുടെയും സംരക്ഷണത്തിനായി ജീവിതം സമർപ്പിച്ച അദ്ദേഹം ‘വയനാടിന്റെ നെല്ലച്ഛൻ’ എന്ന പേരിലാണ് അറിയപ്പെട്ടിരുന്നത്. കുന്നുംകുളമ്പൻ, പെരുവക, വെള്ളിമുത്ത്, കനകം, ചെമ്പകം, ഗന്ധകശാല, വെളിയൻ തുടങ്ങിയവയുൾപ്പെടെ 55-ലധികം അപൂർവ നാടൻ നെൽവിത്തിനങ്ങൾ വരുംതലമുറയ്ക്കായി സംരക്ഷിച്ചാണ് ചെറുവയൽ രാമൻ ശ്രദ്ധേയനായത്. രാസവളങ്ങളും…

“ഉമ്മൻചാണ്ടിക്കെതിരായ ആരോപണങ്ങൾ കെട്ടിച്ചമച്ചതെന്ന് മൊഴി” കൊട്ടാരക്കര: മുൻ മുഖ്യമന്ത്രി ഉമ്മൻചാണ്ടിക്കെതിരായ സോളാർ ആരോപണങ്ങൾക്കു പിന്നിൽ ഗൂഢാലോചന നടന്നതായും സരിത എസ്. നായരുടെ കത്തിൽ കൃത്രിമമായി പേജുകൾ കൂട്ടിച്ചേർത്തതായും മുൻമന്ത്രി കെ. ബാബു കോടതിയിൽ മൊഴി നൽകി. സരിത ജയിലിൽവെച്ച് തയ്യാറാക്കിയതെന്ന് പറയുന്ന 21 പേജുള്ള കത്തിനു പകരം, നാല് പേജുകൾ കൂട്ടിച്ചേർത്ത് 25 പേജുള്ള കത്ത് സോളാർ കമ്മീഷനിൽ ഹാജരാക്കിയെന്നാണ് കെ. ബാബുവിന്റെ ആരോപണം. ഈ നീക്കത്തിനു പിന്നിൽ മുൻമന്ത്രി കെ.ബി. ഗണേഷ് കുമാർ നടത്തിയ ഗൂഢാലോചനയുണ്ടായിരുന്നുവെന്നും…

കൊച്ചി: സിഎംആർഎൽ–എക്സാലോജിക് മാസപ്പടി ഇടപാടിൽ എഫ്‌ഐആർ രജിസ്റ്റർ ചെയ്ത് അന്വേഷണം നടത്തണമെന്ന സിംഗിൾ ബെഞ്ച് ഉത്തരവിന് അടിയന്തര സ്റ്റേ അനുവദിക്കണമെന്ന ആവശ്യം ഹൈക്കോടതി ഡിവിഷൻ ബെഞ്ച് നിരസിച്ചു. 2026 ഒക്ടോബർ 13-ന് പരിഗണിച്ച അപ്പീലുകളിൽ തുടർനടപടികൾ സ്വീകരിക്കണമോയെന്ന കാര്യത്തിൽ വിധി പറയാൻ മാറ്റി. മുൻ മുഖ്യമന്ത്രി പിണറായി വിജയൻ,മകൾ ടി.വീണ.,മുൻ മന്ത്രി പി.എ മുഹമ്മദ് റിയാസ് എന്നിവർക്കെതിരെ അഴിമതി നിരോധന നിയമപ്രകാരം വിജിലൻസ് എഫ്‌ഐആർ രജിസ്റ്റർ ചെയ്ത് അന്വേഷണം നടത്താനായിരുന്നു സിംഗിൾ ബെഞ്ചിന്റെ നിർദേശം. സിംഗിൾ ബെഞ്ചിന്…

പത്തനംതിട്ട: പകൽച്ചൂട് വർധിക്കുന്നതോടെ മത്സ്യങ്ങൾ വേഗത്തിൽ കേടാകാനുള്ള സാധ്യത ഉയരുന്നു. ആവശ്യമായ ശീതസംരക്ഷണം ഉറപ്പാക്കാത്ത മീനുകളുടെ ഗുണനിലവാരം കുറയാനും ആരോഗ്യപ്രശ്നങ്ങളുണ്ടാകാനും സാധ്യതയുള്ളതിനാൽ വിപണിയിൽ ജാഗ്രത വേണം. പുല്ലാട് വടക്കേ കവലയിൽനിന്ന് വാങ്ങിയ മീൻ പാകം ചെയ്യുന്നതിനിടെ വീട്ടമ്മയുടെ കൈയിൽ ചൊറിച്ചിലും തടിപ്പും ഉണ്ടായ സംഭവത്തിൽ ഭക്ഷ്യസുരക്ഷാ വകുപ്പ് നടത്തിയ പരിശോധനയിൽ മത്സ്യത്തിൽ അമോണിയം ചേർത്തിരുന്നതായി കണ്ടെത്തിയിരുന്നു. മത്സ്യം പിടിക്കുന്നതു മുതൽ വിൽപ്പനവരെ ആവശ്യത്തിന് ഐസ് ഉപയോഗിച്ച് ശീതസംരക്ഷണം ഉറപ്പാക്കണം. മീൻ വാങ്ങുമ്പോൾ ദുർഗന്ധം, നിറവ്യത്യാസം, അസാധാരണമായ മൃദുത്വം…

യൂറോപ്യൻ പര്യടനത്തിനിടെ പ്രാഗ് സന്ദർശിച്ചെന്ന ആരോപണം; യാത്രാരേഖകളിൽ വ്യക്തത തേടി രാഷ്ട്രീയ കേന്ദ്രങ്ങൾ തിരുവനന്തപുരം: മുസ്‌ലിം ലീഗ് നേതാവ് കെ.എം. ഷാജിയുടെ വിദേശയാത്രയുമായി ബന്ധപ്പെട്ട് രാഷ്ട്രീയ വിവാദം ശക്തമാകുന്നു. ചെക്ക് റിപ്പബ്ലിക്കിന്റെ തലസ്ഥാനമായ പ്രാഗ് സന്ദർശനത്തിന് അനുമതി ലഭിച്ചിരുന്നില്ലെന്ന റിപ്പോർട്ടുകളാണ് പുതിയ ചർച്ചകൾക്ക് വഴിവെച്ചത്. യാത്രയുടെ അനുമതി, സന്ദർശിച്ച രാജ്യങ്ങൾ, ഔദ്യോഗിക രേഖകളിലെ വിവരങ്ങൾ എന്നിവ സംബന്ധിച്ചാണ് പ്രധാനമായും ചോദ്യങ്ങൾ ഉയരുന്നത്. പൊതുഭരണ വകുപ്പിന്റെ രേഖകൾ ഉദ്ധരിച്ചുള്ള വിവരങ്ങൾ പ്രകാരം, സെപ്റ്റംബർ 17 മുതൽ 27 വരെ…

കൊണാട്ട് പ്ലേസിൽ സമരവുമായി എസ്എഫ്ഐ; ഗ്യാനേഷ് കുമാറിന്റെ രാജി ആവശ്യപ്പെട്ട് മുദ്രാവാക്യങ്ങൾ ന്യൂഡൽഹി: പൊലീസ് നിയന്ത്രണങ്ങളും വ്യാപകമായ കസ്റ്റഡിയിലെടുക്കലുകളും മറികടന്ന് ഡൽഹിയിൽ പ്രതിഷേധം തുടരുകയാണ് വിദ്യാർഥി സംഘടനകൾ. ദേശീയ പതാകയേന്തി തെരുവിലിറങ്ങിയ എസ്എഫ്ഐ പ്രവർത്തകർ ഞായറാഴ്ചയും കൊണാട്ട് പ്ലേസിലെ ഇൻറർ സർക്കിളിൽ പ്രതിഷേധം നടത്തി. പ്രതിഷേധക്കാർക്കു നേരെ പൊലീസ് നടപടിയുണ്ടായെങ്കിലും സമരത്തിൽനിന്ന് പിന്മാറാൻ തയ്യാറാകാതെയാണ് പ്രവർത്തകർ രംഗത്തിറങ്ങിയത്. മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ടർപട്ടികയിലെ പ്രത്യേക തീവ്ര പരിഷ്കരണമായ എസ്‌ഐആറിനെതിരെയുമാണ് പ്രതിഷേധം. ജന്തർ…