കോഴിക്കോട്: സോഷ്യൽ മീഡിയയിലൂടെ ശ്രദ്ധേയയായ ഇൻഫ്ലുവൻസർ ഫാത്തിമ നസ്റിമിനെയും സുഹൃത്തിനെയും വൻ ലഹരിശേഖരവുമായി എക്സൈസ് സംഘം പിടികൂടി. പന്തീരങ്കാവ് ടോൾ പ്ലാസയിൽ നടത്തിയ മിന്നൽ പരിശോധനയിൽ ഇവരുടെ കാറിൽ നിന്ന് 2.5 കിലോഗ്രാം എംഡിഎംഎ കണ്ടെടുത്തു. അന്താരാഷ്ട്ര വിപണിയിൽ ഏകദേശം 3 കോടി രൂപയോളം വിലമതിക്കുന്ന ലഹരിമരുന്നാണിത്. ഫാത്തിമയ്ക്കൊപ്പം യാത്ര ചെയ്തിരുന്ന മലപ്പുറം കൊണ്ടോട്ടി സ്വദേശി ഷെഫീഖും പിടിയിലായിട്ടുണ്ട്. തൊണ്ടയാട് ബൈപ്പാസിൽ നിന്നും രാമനാട്ടുകര ഭാഗത്തേക്ക് വരികയായിരുന്ന KL 01 CR 3031 നമ്പർ കാർ തടഞ്ഞുനിർത്തിയാണ്…

കൊണ്ടോട്ടി: ജ്വല്ലറിയിൽ സ്വർണ്ണം വാങ്ങാനെന്ന വ്യാജേനെയെത്തി ലക്ഷങ്ങൾ വിലമതിക്കുന്ന സ്വർണ്ണാഭരണങ്ങളുമായി യുവാവ് മുങ്ങി. പുളിക്കൽ കനകമഹൽ ജ്വല്ലറിയിലാണ് സിനിമാ സ്റ്റൈൽ മോഷണം നടന്നത്. രണ്ടു ലക്ഷം രൂപയിലധികം വിലവരുന്ന മൂന്ന് സ്വർണ്ണ വളകളാണ് യുവാവ് കവർന്നത്. കഴിഞ്ഞ ദിവസം ഉച്ചയോടെയാണ് സംഭവം. വളകൾ വാങ്ങാനെന്ന ഭാവത്തിൽ ജ്വല്ലറിയിൽ പ്രവേശിച്ച യുവാവ് വിവിധ മോഡലുകൾ കാണാൻ ആവശ്യപ്പെടുകയായിരുന്നു. ജീവനക്കാർ വളകൾ എടുത്തു നൽകിയതോടെ, അവ പരിശോധിക്കുന്നതിനിടെ മൂന്ന് വളകളുമായി ഇയാൾ മിന്നൽവേഗത്തിൽ പുറത്തേക്ക് ഓടി. കടയ്ക്ക് പുറത്ത് ബൈക്കുമായി…

കോഴിക്കോട്:  വെള്ളിമാടുകുന്ന് ജെഡിടി ഇസ്ലാമിക് കോംപ്ലക്‌സിൽ വോട്ടിംഗ് മെഷീനുകൾ സൂക്ഷിച്ചിരിക്കുന്ന സ്ട്രോങ്ങ് റൂം തുറന്നെന്ന പരാതിയുമായി യുഡിഎഫ് രംഗത്തെത്തി. ജില്ലയിലെ ഏഴ് മണ്ഡലങ്ങളിലെ മെഷീനുകൾ സൂക്ഷിച്ചിരിക്കുന്ന കേന്ദ്രത്തിലാണ് ആരോപണമുണ്ടായതെങ്കിലും, തുറന്നത് സ്ട്രോങ്ങ് റൂമല്ലെന്ന് തിരഞ്ഞെടുപ്പ് ഉദ്യോഗസ്ഥർ ഔദ്യോഗികമായി വിശദീകരിച്ചു. പേരാമ്പ്ര നിയോജക മണ്ഡലത്തിലെ പോളിംഗ് സാമഗ്രികൾ പരിശോധിക്കുന്നതിന്റെ ഭാഗമായി, മെറ്റീരിയൽസ് സൂക്ഷിച്ചിരുന്ന മുറിയാണ് തുറന്നതെന്നും ഇതിന് രാഷ്ട്രീയ പാർട്ടി പ്രതിനിധികളുടെ സാന്നിധ്യമുണ്ടായിരുന്നുവെന്നും റിട്ടേണിംഗ് ഓഫീസർ വ്യക്തമാക്കി. മുറികൾ മാറിപ്പോയതു മൂലമുണ്ടായ ആശയക്കുഴപ്പമാകാം പരാതിക്ക് കാരണമെന്നും വോട്ടിംഗ് മെഷീനുകളുടെ…

തലശ്ശേരി: ആർഎസ്എസ് പ്രവർത്തകൻ റൈജേഷിന്റെ കൈപ്പത്തി വെട്ടിമാറ്റിയ കേസിൽ പ്രതികളായ മൂന്ന് സിപിഐഎം പ്രവർത്തകർക്ക് തലശ്ശേരി അഡീഷണൽ ജില്ലാ സെഷൻസ് കോടതി കഠിനതടവ് വിധിച്ചു. കേസിലെ പ്രതികളായ തെക്കേ കണ്ണോളി വീട്ടിൽ ശ്രീജിത്ത് എന്ന ടെൻഷൻ ശ്രീജിത്ത്, പി.കെ. ഷഫീഖ്, ഷൈജു എന്നിവർ കുറ്റക്കാരാണെന്ന് കോടതി കണ്ടെത്തി. ഒന്നാം പ്രതിയായ ശ്രീജിത്തിന് 14 വർഷം കഠിനതടവും ഒരു ലക്ഷത്തി ഇരുപത്തയ്യായിരം രൂപ പിഴയുമാണ് കോടതി വിധിച്ചത്. കേസിലെ മറ്റ് പ്രതികളായ ഷഫീഖിനും ഷൈജുവിനും എട്ടു വർഷം വീതം…

കണ്ണൂർ: ബി.ഡി.എസ് വിദ്യാർത്ഥി നിതിൻ രാജിന്റെ ആത്മഹത്യയുമായി ബന്ധപ്പെട്ട് ഓൺലൈൻ വായ്പാ സംഘത്തിലെ മൂന്ന് പേരെ സൈബർ പൊലീസ് അറസ്റ്റ് ചെയ്തു. ഉത്തർപ്രദേശിലെ നോയിഡയിൽ നിന്നാണ് ‘ഇൻസ്റ്റന്റ് ഫണ്ട്സ്’ എന്ന ലോൺ ആപ്പ് നടത്തിപ്പുകാരായ പ്രതികളെ പിടികൂടിയത്. ഇവരിൽ നിന്ന് നിരവധി സിം കാർഡുകളും ഇലക്ട്രോണിക് ഉപകരണങ്ങളും കണ്ടെടുത്തു. പ്രതികളെ കണ്ണൂരിലെത്തിച്ച് ചോദ്യം ചെയ്തുവരികയാണ്. ഭീഷണിയും മാനസിക പീഡനവും ലോൺ ആപ്പ് സംഘം നിതിനെ നിരന്തരം ഭീഷണിപ്പെടുത്തിയിരുന്നതായി പൊലീസ് കണ്ടെത്തി. എണ്ണായിരത്തിലധികം രൂപ അടിയന്തരമായി അടയ്ക്കണമെന്ന് ആവശ്യപ്പെട്ടായിരുന്നു…

വിഴിഞ്ഞം:ബാറിലുണ്ടായ തർക്കത്തെത്തുടർന്ന് യുവാവിനെ നടുറോഡിലിട്ട് ക്രൂരമായി മർദിച്ചുകൊന്നു. വിഴിഞ്ഞം സ്വദേശി സുമൻ (38) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് സഹോദരങ്ങളായ അച്ചു, അനന്തു എന്നിവരടക്കം നാല് പേരെ വിഴിഞ്ഞം പോലീസ് കസ്റ്റഡിയിലെടുത്തു. ബുധനാഴ്ച രാത്രി പത്ത് മണിയോടെ മുക്കോലയിലുള്ള ബാറിന് മുന്നിലായിരുന്നു സംഭവം. ഷാൻ എന്ന യുവാവുമായി പ്രതികൾ ബാറിൽ വെച്ച് തർക്കത്തിലേർപ്പെട്ടിരുന്നു. ഇത് പരിഹരിക്കാൻ ഇടപെട്ട സുമനെ പ്രതികൾ ചേർന്ന് മർദിക്കുകയായിരുന്നുവെന്ന് പോലീസ് പറയുന്നു. ബാറിൽ നിന്ന് പുറത്തേക്കോടിയ സുമനെ പ്രതികൾ പിന്തുടർന്ന് പിടികൂടി റോഡിലിട്ട്…

തിരുവനന്തപുരം: സ്റ്റാഫിനെ നൽകാം എന്ന വ്യാജ വാഗ്ദാനവുമായി വ്യാപാരികളെയും ഹോട്ടൽ/റസ്റ്റോറന്റ് ഉടമകളെയും ലക്ഷ്യംവെച്ച് വ്യാപകമായ ഓൺലൈൻ സാമ്പത്തികത്തട്ടിപ്പ് നടക്കുന്നു. വാട്‌സ്ആപ്പ് പോലുള്ള സോഷ്യൽ മീഡിയ പ്ലാറ്റ്‌ഫോമുകൾ വഴിയാണ് പ്രധാനമായും തട്ടിപ്പ് സംഘങ്ങൾ ഇരകളെ കണ്ടെത്തുന്നത്. **വിശ്വാസ്യത നേടാൻ വ്യാജ രേഖകൾ** വിശ്വാസ്യതയുള്ള സ്ഥാപനങ്ങളുടെ പേരിൽ വ്യാജ പരസ്യങ്ങൾ നൽകിയാണ് തട്ടിപ്പിന്റെ തുടക്കം. ‘SKAN Crew’ അല്ലെങ്കിൽ ‘SKAN Nexus’ എന്നീ സ്ഥാപനങ്ങളുടെ പേരാണ് പല പരാതികളിലും ഉയർന്നു വന്നിട്ടുള്ളത്. കുറഞ്ഞ സമയത്തിനുള്ളിൽ ആവശ്യമായ ജീവനക്കാരെ എത്തിക്കാമെന്ന് ഉറപ്പുനൽകി…

കണ്ണൂർ : അഞ്ചരക്കണ്ടി മെഡിക്കൽ കോളേജിലെ ഡെന്റൽ വിദ്യാർത്ഥി നിതിൻ രാജിന്റെ ആത്മഹത്യയുമായി ബന്ധപ്പെട്ട് അധ്യാപകർക്കെതിരെ ഗുരുതരമായ ആരോപണങ്ങൾ ഉയരുന്നു. മരണത്തിന് മുൻപ് നിതിൻ സുഹൃത്തുക്കൾക്ക് അയച്ച ശബ്ദസന്ദേശങ്ങൾ പുറത്തുവന്നതോടെയാണ് കോളേജിലെ മാനസിക പീഡനത്തിന്റെ വിവരങ്ങൾ പുറംലോകമറിഞ്ഞത്. അധ്യാപകർ കൂട്ടംചേർന്ന് തന്നെ അധിക്ഷേപിക്കാറുണ്ടെന്നും സ്റ്റാഫ് റൂം വിദ്യാർത്ഥികളെ മാനസികമായി ആക്രമിക്കുന്ന ഇടമാണെന്നും നിതിൻ ഈ സന്ദേശത്തിൽ വ്യക്തമാക്കുന്നുണ്ട്. അധ്യാപകർ തന്നെ ‘വിഡ്ഢി’ എന്ന് വിളിച്ച് ആക്ഷേപിച്ചതായും നിതിൻ വെളിപ്പെടുത്തുന്നു. നിതിനെ വ്യക്തിപരമായി അധിക്ഷേപിക്കുന്നതിനൊപ്പം വീട്ടുകാരെയും അധ്യാപകർ പരിഹസിച്ചിരുന്നു….

കൊല്ലം: ഇരവിപുരം വള്ളക്കടവ് സുനാമി ഫ്ലാറ്റിലെ താമസക്കാരനായിരുന്ന സെബാസ്റ്റ്യനെ (58) തലയ്ക്ക് വെട്ടിക്കൊലപ്പെടുത്തിയ കേസിൽ അയൽവാസിയായ പ്രതിക്ക് ജീവപര്യന്തം കഠിനതടവ്. വള്ളക്കടവ് സ്വദേശി നവാസിനെയാണ് (31) കൊല്ലം ഫസ്റ്റ് അഡീഷണൽ ജില്ലാ സെഷൻസ് ജഡ്ജി പി.എൻ. വിനോദ് ശിക്ഷിച്ചത്. ജീവപര്യന്തത്തിന് പുറമെ ഒരു ലക്ഷം രൂപ പിഴയും, വീട്ടിൽ അതിക്രമിച്ചു കയറിയതിന് അഞ്ച് വർഷം തടവും 25,000 രൂപ പിഴയും കോടതി വിധിച്ചു. ശിക്ഷകൾ ഒന്നിച്ചനുഭവിച്ചാൽ മതിയാകും. 2023 നവംബർ 8-നായിരുന്നു നാടിനെ നടുക്കിയ സംഭവം. വീട്ടുപടിക്കൽ…

മുക്കം: കോഴിക്കോട് ജില്ലയിൽ വൻ ലഹരിമരുന്ന് വേട്ടയുമായി ഡാൻസാഫ് (DANSAF) സംഘവും മുക്കം പോലീസും. കേരളത്തിലെ പ്രധാന ലഹരി വ്യാപാരികളിൽ ഒരാളായ മുഹമ്മദ് ഹനീഫ (36), ഇയാളുടെ സഹായിയായ റെയ്ഹാനത്ത് (45) എന്നിവരെയാണ് രണ്ടര കിലോഗ്രാമോളം എംഡിഎംഎയുമായി പോലീസ് പിടികൂടിയത്. രഹസ്യവിവരത്തെത്തുടർന്ന് മാസങ്ങളോളം നീണ്ട നിരീക്ഷണത്തിനൊടുവിലാണ് ഈ വൻ സംഘം വലയിലായത്. മുക്കം അഗസ്ത്യൻമൂഴി സിവില്‍ സ്റ്റേഷന് സമീപത്തുനിന്നും 517 ഗ്രാം എംഡിഎംഎയുമായി ആദ്യം ഹനീഫയെയാണ് പോലീസ് സാഹസികമായി പിടികൂടിയത്. ഇയാളെ ചോദ്യം ചെയ്തതിൽ നിന്നും ലഭിച്ച…