ദുബായ്: താമസസ്ഥലത്തെ സുഹൃത്തുക്കൾ തമ്മിലുള്ള തർക്കം പരിഹരിക്കാൻ ശ്രമിക്കുന്നതിനിടെ മലയാളി യുവാവ് കുത്തേറ്റ് മരിച്ചു. കോഴിക്കോട് ചെറുവണ്ണൂർ മധുരബസാർ സ്വദേശി നജാത്ത് മൻസിലിൽ ജസീൽ (32) ആണ് മരിച്ചത്.
കഴിഞ്ഞ മൂന്ന് വർഷമായി ദുബായിൽ പ്രവാസിയായ ജസീൽ, താമസിക്കുന്ന മുറിയിലെ സുഹൃത്തുക്കൾ തമ്മിലുണ്ടായ വാക്കേറ്റം ശാന്തമാക്കാൻ ശ്രമിക്കുന്നതിനിടെയാണ് ദാരുണമായ സംഭവം ഉണ്ടായത്. തർക്കത്തിനിടെ സുഹൃത്തിന്റെ കുത്തേറ്റ ജസീൽ സംഭവസ്ഥലത്ത് വെച്ച് തന്നെ മരണപ്പെടുകയായിരുന്നു.
നിലവിൽ മൃതദേഹം ദുബായിലെ അൽ റാഷിദിയ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കാനുള്ള ശ്രമങ്ങൾ നടന്നു വരുന്നു.
Kerala, World
