കൊല്ലം: ആരോഗ്യകരമായ വാർദ്ധക്യത്തെക്കുറിച്ച് അവബോധം നൽകുന്നതിനായി ട്രാവൻകൂർ മെഡിസിറ്റി ഹോസ്പിറ്റൽ, കൊല്ലം ലോക വയോജന ദിനാഘോഷം സംഘടിപ്പിക്കുന്നു. “Celebration of Ageing – Embracing the Golden Years” എന്ന സന്ദേശവുമായി ഒക്ടോബർ 8ന് സെക്കൻഡ് ഫ്ലോർ ഓഡിറ്റോറിയത്തിലാണ് പരിപാടി.
മുതിർന്ന പൗരന്മാരുടെ ശാരീരികവും മാനസികവുമായ ആരോഗ്യം സംരക്ഷിക്കുന്നതിനും പ്രായം കൂടുന്നതിനനുസരിച്ച് ജീവിതം കൂടുതൽ ആരോഗ്യപൂർണവും സന്തോഷകരവുമാക്കുന്നതിനുമുള്ള വിവിധ പരിപാടികളാണ് ട്രാവൻകൂർ മെഡിസിറ്റി ഹോസ്പിറ്റൽ ഒരുക്കിയിരിക്കുന്നത്.
പരിപാടിയുടെ ഭാഗമായി ഡോക്ടർമാരുടെ നേതൃത്വത്തിൽ ആരോഗ്യകരമായ വാർദ്ധക്യത്തെക്കുറിച്ചുള്ള പ്രത്യേക ക്ലാസ് നടക്കും. ശാരീരികവും മാനസികവുമായ ആരോഗ്യം, ജീവിതശൈലി, വാർദ്ധക്യകാല ആരോഗ്യപരിചരണം തുടങ്ങിയ വിഷയങ്ങളിൽ വിദഗ്ധർ മാർഗനിർദേശം നൽകും.
ആദ്യ 25 പേർക്ക് സൗജന്യ ബ്ലഡ് ടെസ്റ്റ്
ഡോക്ടർ നിർദേശിക്കുന്ന ₹1,000 വരെ വിലവരുന്ന ബ്ലഡ് ടെസ്റ്റുകൾ ആദ്യ 25 പേർക്ക് തികച്ചും സൗജന്യമായി നടത്തും. മുതിർന്ന പൗരന്മാർക്ക് ഈ അവസരം പരമാവധി പ്രയോജനപ്പെടുത്തണമെന്ന് ആശുപത്രി അധികൃതർ അറിയിച്ചു.
ബ്രെയിൻ ഗെയിംസ്, കോഗ്നിറ്റീവ് അസസ്മെന്റ് എന്നിവയും പരിപാടിയുടെ ഭാഗമായി നടക്കും. ഓർമശക്തി, ശ്രദ്ധ, ചിന്താശേഷി എന്നിവ മെച്ചപ്പെടുത്തുന്നതിനുള്ള ആകർഷകമായ മത്സരങ്ങളാണ് ഇതിലൂടെ ലക്ഷ്യമിടുന്നത്.
ലളിതമായ ശാരീരിക വ്യായാമങ്ങളിലൂടെ ചലനക്ഷമതയും ശരീരത്തിന്റെ വഴക്കവും മെച്ചപ്പെടുത്തുന്നതിനും ശരീരഭാരം നിയന്ത്രിക്കുന്നതിനും സഹായിക്കുന്ന ഫിസിക്കൽ എക്സർസൈസ് സെഷനും ഉണ്ടായിരിക്കും. പ്രമേഹം, ഹൃദ്രോഗം തുടങ്ങിയ ജീവിതശൈലീരോഗങ്ങളുടെ സാധ്യത കുറയ്ക്കുന്നതിനും ഓർമശക്തിയും ഏകാഗ്രതയും മെച്ചപ്പെടുത്തുന്നതിനുമുള്ള വ്യായാമങ്ങളും പരിചയപ്പെടുത്തും.
കൂടാതെ, അനുഭവങ്ങളും രസകരമായ ഓർമകളും പങ്കുവെക്കാനും പരസ്പരം പരിചയപ്പെടാനും സൗഹൃദം പങ്കിടാനും അവസരമൊരുക്കുന്ന ഫൺ ആൻഡ് ഇന്ററാക്ടീവ് സെഷനും സംഘടിപ്പിക്കും.
മുതിർന്ന പൗരന്മാർക്ക് ആരോഗ്യകരവും സന്തോഷകരവുമായ വാർദ്ധക്യത്തിന്റെ പ്രാധാന്യം മനസ്സിലാക്കിക്കൊടുക്കുക എന്ന ലക്ഷ്യത്തോടെയാണ് ട്രാവൻകൂർ മെഡിസിറ്റി ഹോസ്പിറ്റൽ കൊല്ലം പരിപാടി സംഘടിപ്പിക്കുന്നത്.
കൂടുതൽ വിവരങ്ങൾക്കും മുൻകൂട്ടി രജിസ്റ്റർ ചെയ്യുന്നതിനും:
+91 87142 21333
