തിരുവനന്തപുരം:കണ്ണൂർ മുൻ എ.ഡി.എം കെ. നവീൻ ബാബുവിന്റെ ആത്മഹത്യാ കേസ് സിബിഐ അന്വേഷിക്കും. നീതിതേടിയുള്ള കുടുംബത്തിന്റെ നിരന്തരമായ ആവശ്യങ്ങൾ പരിഗണിച്ചാണ് ഒടുവിൽ കേസ് കേന്ദ്ര അന്വേഷണ ഏജൻസിക്ക് വിടാൻ സർക്കാർ തീരുമാനിച്ചത്. നവീൻ ബാബുവിന്റെ ഭാര്യയും കുടുംബാംഗങ്ങളും മുഖ്യമന്ത്രി വി.ഡി. സതീശനെ നേരിട്ട് കണ്ട് സിബിഐ അന്വേഷണം വേണമെന്ന ആവശ്യം ഉന്നയിച്ചിരുന്നു. ഇതിന് പിന്നാലെയാണ് നിർണായക ഉത്തരവ് പുറത്തുവന്നിരിക്കുന്നത്. നേരത്തെ അധികാരത്തിലിരുന്ന സർക്കാർ കേസിൽ സിബിഐ അന്വേഷണം ആവശ്യമില്ലെന്ന നിലപാടാണ് ഹൈക്കോടതിയെ അറിയിച്ചിരുന്നത്. ഇതിന്റെ അടിസ്ഥാനത്തിൽ ഹൈക്കോടതിയും…

തിരുവനന്തപുരം: നെടുമങ്ങാട് ഒന്നര വയസ്സുകാരൻ അർഷിദിന്റെ മരണം ക്രൂരമായ കൊലപാതകമെന്ന് പോലീസ്. സംഭവവുമായി ബന്ധപ്പെട്ട് കുട്ടിയുടെ അമ്മയുടെ സുഹൃത്ത് അഷ്കറിനെ പോലീസ് കസ്റ്റഡിയിലെടുത്തു. ഇതിനിടെ, കേട്ടുകേൾവിയില്ലാത്ത ഈ ക്രൂരതയ്ക്ക് പിന്നാലെ പ്രതി അഷ്കർ ഓടിച്ചിരുന്ന കാർ കഴിഞ്ഞദിവസം രാത്രി ബൈക്കിലെത്തിയ രണ്ടംഗ സംഘം അടിച്ചുതകർത്തു. കരിക്കുഴിയിൽ വാടകയ്ക്ക് താമസിക്കുന്ന അഖിലയുടെ മകൻ അർഷിദാണ് കഴിഞ്ഞ ദിവസം മരണപ്പെട്ടത്. കുട്ടിയുടെ ശരീരത്തിൽ സ്ഥിരമായി മർദനമേറ്റതിന്റെ പാടുകളുണ്ടായിരുന്നതായി പോസ്റ്റ്‌മോർട്ടം റിപ്പോർട്ടിൽ വ്യക്തമാക്കുന്നു. ആന്തരികാവയവങ്ങളിലുണ്ടായ രക്തസ്രാവമാണ് മരണത്തിന് കാരണമായത്. ഇത് മുൻപ്…