കോതമംഗലം: കോതമംഗലം പൊലീസ്  ഇൻസ്പെക്ടർ  പ്രശാന്തിനെതിരെ പരസ്യ ഭീഷണിയുമായി സ്വർണ്ണക്കടത്ത്-ക്വട്ടേഷൻ കേസുകളിലെ പ്രതി അർജുൻ ആയങ്കി. കോതമംഗലത്തെ ഒരു റിസോർട്ടിൽ സുഹൃത്തുക്കളോടൊപ്പം പാർട്ടി നടത്തുന്നതിനിടയിൽ പ്രശാന്തിന്റെ നേതൃത്വത്തിലുള്ള പോലീസ് സംഘം അർജുൻ ആയങ്കിയെ പിടികൂടിയിരുന്നു.  വലിയൊരു കുറ്റകൃത്യത്തിനായുള്ള ഗൂഢാലോചനയ്ക്കിടയിലാണ് പ്രതിയെ പിടികൂടിയതെന്നാണ് പൊലീസിന്റെ ആരോപണം. ഇതിന് പിന്നാലെയാണ് സി.ഐക്കെതിരെ സമൂഹമാധ്യമങ്ങളിലൂടെ അർജുൻ ഭീഷണി മുഴക്കിയത്. “പെൻഷൻ വാങ്ങി സ്വസ്ഥമായി ജീവിക്കാൻ അനുവദിക്കില്ല” എന്നും, തന്റെ ജീവിതം നശിപ്പിച്ച ഉദ്യോഗസ്ഥനോട് “യുദ്ധം പ്രഖ്യാപിച്ചിരിക്കുന്നു” എന്നുമാണ് അർജുൻ ആയങ്കി ഫേസ്ബുക്കിൽ…