കൊല്ലം: കത്തുന്ന വേനൽച്ചൂടിനെ മറികടക്കാൻ അതിരാവിലെ തന്നെ പോളിംഗ് ബൂത്തുകളിലേക്ക് വോട്ടർമാർ ഒഴുകിയെത്തി. ചൂട് കടുക്കുന്നതിന് മുൻപേ വോട്ട് രേഖപ്പെടുത്തി മടങ്ങാനായി വോട്ടർമാർ പുലർച്ചെ തന്നെ ബൂത്തുകളിൽ അണിനിരന്നതോടെ ജില്ലയിലെ ഭൂരിഭാഗം കേന്ദ്രങ്ങളിലും രാവിലെ തന്നെ വൻ തിരക്കാണ് അനുഭവപ്പെട്ടത്. പകൽ 11 മണിയോടെ അന്തരീക്ഷ താപനില ഉയരുമെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പാണ് വോട്ടർമാരെ നേരത്തെ ഇറങ്ങാൻ പ്രേരിപ്പിച്ചത്. പലയിടങ്ങളിലും പോളിംഗ് ആരംഭിക്കുന്ന ഏഴ് മണിക്ക് മുൻപേ തന്നെ നീണ്ട നിരകൾ രൂപപ്പെട്ടിരുന്നു. പ്രായമായവരും സ്ത്രീകളും…
