തിരുവനന്തപുരം: ലോക ഹൃദയദിനാചരണത്തിന്റെ ഭാഗമായി മെഡിട്രീന ആശുപത്രിയും നാലാഞ്ചിറ സെന്റ് ജോൺസ് മോഡൽ ഹയർ സെക്കൻഡറി സ്കൂളും ചേർന്ന് രണ്ട് ലോക റെക്കോർഡുകൾ സ്വന്തമാക്കി. ഹൃദയാരോഗ്യ ബോധവത്കരണത്തിനും അന്താരാഷ്ട്ര തലത്തിലെ കാർഡിയോളജി സേവനത്തിനും ഒരേസമയം അംഗീകാരമായ നേട്ടങ്ങളാണിത്. ഒന്നാമത്തെ റെക്കോർഡ് — ‘ചലിക്കുന്ന ഹൃദയം’ 310-ഓളം വിദ്യാർഥികളെ അണിനിരത്തി ഹൃദയത്തിന്റെ ആകൃതിയിൽ മനുഷ്യച്ചങ്ങല തീർത്ത് ലൈവ് കാർഡിയോ എക്സർസൈസ് സംഘടിപ്പിച്ചതാണ് ആദ്യ ലോക റെക്കോർഡ്. ഹൃദയാരോഗ്യത്തിന്റെ പ്രാധാന്യവും ഹൃദ്രോഗ പ്രതിരോധത്തിന്റെ ആവശ്യകതയും യുവതലമുറയിലേക്ക് എത്തിക്കുക എന്ന ലക്ഷ്യത്തോടെയാണ്…

കോട്ടയം: മാധ്യമപ്രവർത്തകനും ജേർണലിസ്റ്റ് ആൻഡ് മീഡിയ അസോസിയേഷൻ (ജെ.എം.എ) കോട്ടയം ജില്ലാ ജോയിന്റ് സെക്രട്ടറിയുമായ മുഹമ്മദ് ഷായ്ക്കെതിരെയുണ്ടായ ആക്രമണത്തിൽ ജെ.എം.എ സംസ്ഥാന കമ്മിറ്റിയും കോട്ടയം ജില്ലാ കമ്മിറ്റിയും ശക്തമായ പ്രതിഷേധം രേഖപ്പെടുത്തി. മാധ്യമപ്രവർത്തകർക്ക് സ്വതന്ത്രമായി ജോലി ചെയ്യാനുള്ള അവകാശത്തിന് നേരെയുള്ള കടന്നുകയറ്റമാണ് ഇത്തരം സംഭവങ്ങളെന്ന് ജെ.എം.എ സംസ്ഥാന കമ്മിറ്റി അഭിപ്രായപ്പെട്ടു. പരിഷ്കൃത സമൂഹത്തിന് യോജിക്കാത്ത ഇത്തരം ആക്രമണങ്ങൾക്കെതിരെ ശക്തമായ നടപടി സ്വീകരിക്കേണ്ടത് അനിവാര്യമാണെന്നും കമ്മിറ്റി വ്യക്തമാക്കി. സംഭവത്തിന് ഉത്തരവാദികളായവർക്കെതിരെ നിയമാനുസൃതമായ കർശന നടപടി സ്വീകരിക്കണമെന്ന് സംസ്ഥാന കമ്മിറ്റി…

പത്തനംതിട്ട: മാരാമൺ ചെട്ടിമുക്കിലെ റിസോർട്ടിൽ റിസപ്ഷനിസ്റ്റായ യുവതിയെ കുത്തിക്കൊലപ്പെടുത്തി. കുളത്തൂപ്പുഴ സ്വദേശിനി ദിൻഷ (20) ആണ് കൊല്ലപ്പെട്ടത്. സംഭവത്തിൽ കീഴുകര സ്വദേശി ജിത്തുവിനെ കോയിപ്രം പൊലീസ് കസ്റ്റഡിയിലെടുത്തു. ചൊവ്വാഴ്ച ഉച്ചയ്ക്ക് ഒന്നേമുക്കാലോടെയാണ് സംഭവം. റിസോർട്ടിലെത്തിയ ജിത്തു ദിൻഷയുടെ കഴുത്തിൽ പലതവണ കുത്തിയെന്നാണ് പൊലീസ് പറയുന്നത്. ഗുരുതരമായി പരിക്കേറ്റ യുവതി സംഭവസ്ഥലത്തുവച്ചുതന്നെ മരിച്ചു. റിസോർട്ടിൽ ട്രെയിനിയായി ജോലി ആരംഭിച്ച് രണ്ടാഴ്ച മാത്രമായിരുന്നു ദിൻഷയ്ക്ക്. പ്രണയനൈരാശ്യമാണ് കൊലപാതകത്തിന് പിന്നിലെന്നാണ് പ്രാഥമിക വിവരം. ആക്രമണത്തിന് പിന്നാലെ രക്ഷപ്പെടാൻ ശ്രമിച്ച പ്രതിയെ സമീപത്തുണ്ടായിരുന്ന…

കോഴിക്കോട്: മദ്യപിച്ച് അലക്ഷ്യമായി വാഹനമോടിച്ച് പൊതുജനങ്ങളുടെ ജീവന് അപകടമുണ്ടാക്കിയെന്ന പരാതിയിൽ യൂട്യൂബർ അശ്വന്ത് കോക്കിനെതിരെ നടക്കാവ് പൊലീസ് കേസെടുത്തു. എരഞ്ഞിപ്പാലം സരോവരം ഭാഗത്ത് തിങ്കളാഴ്ച വൈകിട്ടായിരുന്നു സംഭവം. അശ്വന്ത് ഓടിച്ച വാഹനം രണ്ട് കാറുകളിലും ഒരു ഇരുചക്രവാഹനത്തിലും ഇടിച്ചതായാണ് പരാതി. അപകടത്തിന് പിന്നാലെ വാഹനം നിർത്താതെ പോകാൻ ശ്രമിച്ച അശ്വന്തിനെ നാട്ടുകാർ തടഞ്ഞുവയ്ക്കുകയും പൊലീസിൽ വിവരമറിയിക്കുകയും ചെയ്തു. തുടർന്ന് സ്ഥലത്തെത്തിയ നടക്കാവ് പൊലീസ് ഇയാളെ കസ്റ്റഡിയിലെടുത്ത് വൈദ്യപരിശോധനയ്ക്ക് വിധേയനാക്കി. മദ്യപിച്ച് അലക്ഷ്യമായി വാഹനമോടിച്ച് പൊതുജനങ്ങളുടെ ജീവന് അപകടം…

14.10 ലക്ഷം രൂപയും 788 യുഎസ് ഡോളറും പിടിച്ചെടുത്തു; 2.89 കോടിയുടെ അനധികൃത സ്വത്ത് സമ്പാദനമെന്ന് പ്രാഥമിക കണ്ടെത്തൽ കൊച്ചി: അനധികൃത സ്വത്ത് സമ്പാദനവുമായി ബന്ധപ്പെട്ട കേസിൽ സംസ്ഥാന ജി.എസ്.ടി. ജോയിന്റ് കമ്മിഷണർ പ്രജനി രാജന്റെ കൊച്ചിയിലെ ഓഫീസിലും വസതികളിലും വിജിലൻസ് ആൻഡ് ആന്റി കറപ്ഷൻ ബ്യൂറോയുടെ മിന്നൽ പരിശോധന. തേവരയിലെ ജി.എസ്.ടി. ജോയിന്റ് കമ്മിഷണർ ഓഫീസിലും പച്ചാളത്തെ രണ്ട് വസതികളിലുമാണ് ശനിയാഴ്ച ഒരേസമയം പരിശോധന നടത്തിയത്. പരിശോധനയിൽ കണക്കിൽപ്പെടാത്തതായി കണ്ടെത്തിയ 14.10 ലക്ഷം രൂപയും 788…

അടുത്ത ഓണത്തിന് സർവീസ് തുടങ്ങാൻ ലക്ഷ്യം; 200 സഹകരണ സംഘങ്ങളിൽനിന്ന് മൂലധനം സമാഹരിക്കും പത്തനംതിട്ട: സഹകരണ മേഖലയിലെ പങ്കാളിത്തത്തോടെ കേരളത്തിൽ പുതിയ വിമാനക്കമ്പനി ആരംഭിക്കുന്നതിനുള്ള പദ്ധതിക്ക് സഹകരണ വകുപ്പിന്റെ അനുമതി ലഭിച്ചതായി ബന്ധപ്പെട്ടവർ അറിയിച്ചു. ‘കോ-കേരള’ എന്ന പേരിൽ വിഭാവനം ചെയ്തിരിക്കുന്ന പദ്ധതിയുടെ പ്രാരംഭ പ്രവർത്തനങ്ങൾ ആരംഭിച്ചു. അടുത്ത ഓണത്തോടെ വിമാന സർവീസ് ആരംഭിക്കുകയാണ് ലക്ഷ്യമെന്ന് പദ്ധതിയുടെ ചീഫ് പ്രൊമോട്ടർ സി.എൻ. വിജയകൃഷ്ണൻ പറഞ്ഞു. ‘കേരള സിവിൽ ഏവിയേഷൻ കോ-ഓപ്പറേറ്റീവ് സൊസൈറ്റി’ രജിസ്റ്റർ ചെയ്യുന്നതിനുള്ള നടപടികൾക്ക് സഹകരണ…

പത്തനംതിട്ട: വ്യാജ മേൽവിലാസവും റേഷൻ കാർഡിലെ ക്രമക്കേടും സംബന്ധിച്ച പരാതിയിൽ കോൺഗ്രസ് നേതാവും ജില്ലാ പഞ്ചായത്ത് അംഗവുമായ ശ്രീനാദേവി കുഞ്ഞമ്മയ്ക്ക് വീണ്ടും തിരിച്ചടി. വ്യാജ രേഖകൾ ഉപയോഗിച്ച് റേഷൻ കാർഡിൽ പേര് ഉൾപ്പെടുത്തിയെന്ന പരാതിയിൽ അടൂർ താലൂക്ക് സപ്ലൈ ഓഫീസർ സ്വീകരിച്ച നടപടികൾ ഹൈക്കോടതി മരവിപ്പിച്ചു. കൊല്ലശേരിൽ കുടുംബം നൽകിയ ഹർജിയിലാണ് കോടതിയുടെ നടപടി. പുതിയ റേഷൻ കാർഡ് എടുക്കണമെന്ന സപ്ലൈ ഓഫീസറുടെ നിർദേശത്തിനെതിരെയാണ് കൊല്ലശേരിൽ കുടുംബം ഹൈക്കോടതിയെ സമീപിച്ചത്. ഹർജി പരിഗണിച്ച കോടതി സപ്ലൈ ഓഫീസർ…

പത്തനംതിട്ട: കേന്ദ്ര പരിസ്ഥിതി മന്ത്രാലയത്തിന്റെ ഇഎസ്എ പരിധിയിൽ ഉൾപ്പെട്ട ജില്ലയിലെ ഏഴ് വില്ലേജുകളെ ഒഴിവാക്കാത്ത സംസ്ഥാന സർക്കാർ നടപടിയിൽ സിപിഐ ജില്ലാ കമ്മിറ്റി പ്രതിഷേധിച്ചു. വിഷയത്തിൽ ശക്തമായ സമരവുമായി മുന്നോട്ടുപോകുമെന്ന് ജില്ലാ സെക്രട്ടറി ചിറ്റയം ഗോപകുമാർ പറഞ്ഞു. വടശ്ശേരിക്കര, സീതത്തോട്, ചിറ്റാർ, തണ്ണിത്തോട്, കൊല്ലമുള, അരുവാപ്പുലം, പെരുനാട് വില്ലേജുകളാണ് ഇഎസ്എ പരിധിയിൽ ഉൾപ്പെട്ടിട്ടുള്ളത്. വിജ്ഞാപനം നടപ്പാക്കുന്നതോടെ കൃഷി, കെട്ടിടനിർമാണം, റോഡ് വികസനം, ജലസേചനം, വൈദ്യുതി, ഗതാഗതം, തീർത്ഥാടനം തുടങ്ങിയ മേഖലകളെ ബാധിക്കുമെന്ന് അദ്ദേഹം പറഞ്ഞു. എൽഡിഎഫ് സർക്കാർ…

ഗുരുദേവനെ ഒരു സമുദായത്തിന്റെ മാത്രം പരിധിയിൽ കാണരുതെന്ന് ശ്രീനാരായണ എംപ്ലോയീസ് ഫോറം കൊച്ചി: ശ്രീനാരായണ ഗുരുദേവനെ അപമാനിക്കുന്ന തരത്തിലുള്ള പരാമർശങ്ങളും ചിത്രീകരണങ്ങളും ആവർത്തിക്കുന്ന സാഹചര്യത്തിൽ കേരളത്തിലെ രാഷ്ട്രീയ-സാംസ്കാരിക നേതൃത്വം നിലപാട് വ്യക്തമാക്കണമെന്ന് ശ്രീനാരായണ എംപ്ലോയീസ് ഫോറം ആവശ്യപ്പെട്ടു. ഗുരുദേവനെ അപമാനിച്ച സംഭവങ്ങളിൽ ശ്രീനാരായണീയ സമൂഹം പ്രതിഷേധം ശക്തമാക്കിയിട്ടും പൊതുസമൂഹത്തിലെ പ്രമുഖരിൽനിന്ന് വേണ്ടത്ര പ്രതികരണമുണ്ടായില്ലെന്നാണ് ഫോറത്തിന്റെ വിമർശനം. ഗുരുനിന്ദയ്‌ക്കെതിരെ വിവിധ ഭാഗങ്ങളിൽ പ്രതിഷേധം ഉയർന്നതിനെത്തുടർന്നാണ് സർക്കാർ നിയമനടപടികളുമായി മുന്നോട്ടുപോയതെന്ന് ഫോറം ചൂണ്ടിക്കാട്ടി. ഗുരുദേവനെ അപമാനിക്കുന്ന സംഭവങ്ങൾ ഒരു സമുദായത്തെ…

പത്തനംതിട്ട: ജില്ലയിലെ പ്രാഥമിക ആരോഗ്യ കേന്ദ്രങ്ങൾ മുതൽ ജനറൽ ആശുപത്രികളിൽ വരെ അത്യന്താപേക്ഷിതമായ മരുന്നുകൾക്ക് ക്ഷാമം രൂക്ഷം. കേരള മെഡിക്കൽ സർവീസസ് കോർപ്പറേഷനിൽ (KMSC) നിന്നുള്ള മരുന്ന് വിതരണം തടസ്സപ്പെട്ടതാണ് പ്രതിസന്ധിക്ക് കാരണമായത്.ജീവിതശൈലി രോഗങ്ങൾക്കുള്ള മരുന്നുകൾ ഉൾപ്പെടെ സാധാരണക്കാർക്ക് സൗജന്യമായി ലഭിക്കേണ്ട അത്യാവശ്യ മരുന്നുകളൊന്നും നിലവിൽ ആശുപത്രി സ്റ്റോക്കുകളിൽ ലഭ്യമല്ല. പ്രമേഹം, അമിത രക്തസമ്മർദ്ദം, ഹൃദ്രോഗം എന്നിവയ്ക്കുള്ള സ്ഥിരം മരുന്നുകൾ ലഭിക്കാതെ വയോധികരും നിർധന രോഗികളും വലിയ ബുദ്ധിമുട്ടാണ് നേരിടുന്നത്. ആശുപത്രിയിലെത്തുന്ന രോഗികൾക്ക് പുറത്തെ സ്വകാര്യ മെഡിക്കൽ…