തിരുവനന്തപുരം: മുൻ ഡിജിപിയും ബിജെപി കൗൺസിലറുമായ ആർ. ശ്രീലേഖയുടെ രാജി പ്രഖ്യാപനത്തിന് പിന്നാലെ ഉയർന്ന രാഷ്ട്രീയ ചർച്ചകളിൽ പാർട്ടി നേതൃത്വം ജാഗ്രത പാലിക്കണമെന്ന് ആർഎസ്എസ്. ശ്രീലേഖയുടെ സമ്മർദ്ദ തന്ത്രത്തിൽ വീഴേണ്ട ആവശ്യമില്ലെന്നും വ്യക്തിപരമായ കാരണങ്ങൾ ചൂണ്ടിക്കാട്ടിയുള്ള രാജി പ്രഖ്യാപനത്തെ രാഷ്ട്രീയ സമ്മർദ്ദമായി കണ്ട് പാർട്ടി തീരുമാനങ്ങൾ എടുക്കേണ്ടതില്ലെന്നുമാണ് ആർഎസ്എസ് നിലപാടെന്നാണ് വിവരം. ശ്രീലേഖ രാജി പ്രഖ്യാപിച്ചതിന് പിന്നാലെ ബിജെപി നേതൃത്വത്തിൽ ആശയക്കുഴപ്പം സൃഷ്ടിക്കുന്ന തരത്തിൽ ചർച്ചകൾ ഉയർന്നിരുന്നു. ഈ സാഹചര്യത്തിലാണ് വിഷയത്തിൽ അനാവശ്യമായ രാഷ്ട്രീയ സമ്മർദ്ദത്തിന് വഴങ്ങേണ്ടതില്ലെന്ന…

പാലക്കാട്: സിപിഎം പാലക്കാട് ജില്ലാ സെക്രട്ടറി സ്ഥാനത്തുനിന്ന് ഇ.എൻ. സുരേഷ് ബാബുവിനെ മാറ്റിയതുമായി ബന്ധപ്പെട്ട് അദ്ദേഹത്തിനെതിരെ ഔദ്യോഗികമായി ഒരു പരാതിയും ലഭിച്ചിട്ടില്ലെന്ന് പുതിയ ജില്ലാ സെക്രട്ടറി വി. ചെന്താമരാക്ഷൻ. വ്യക്തിപരമായ അസൗകര്യങ്ങളും കാരണങ്ങളും ചൂണ്ടിക്കാട്ടി സുരേഷ് ബാബു സ്വയം സ്ഥാനമൊഴിയുകയായിരുന്നുവെന്നും അദ്ദേഹം വാർത്താസമ്മേളനത്തിൽ പറഞ്ഞു. സംസ്ഥാന സെക്രട്ടറി എം.വി. ഗോവിന്ദൻ പങ്കെടുത്ത ജില്ലാ സെക്രട്ടേറിയറ്റ് യോഗത്തിലാണ് സുരേഷ് ബാബുവിന് പകരം മുൻ എം.എൽ.എ വി. ചെന്താമരാക്ഷനെ ജില്ലാ സെക്രട്ടറിയായി ചുമതലപ്പെടുത്താൻ തീരുമാനിച്ചത്. അതേസമയം, ജില്ലയിൽ നിലനിന്നിരുന്ന വിഭാഗീയത,…

തിരുവനന്തപുരം: ലയണൽ മെസ്സിയെയും അർജന്റീന ഫുട്ബോൾ ടീമിനെയും കേരളത്തിലെത്തിക്കുമെന്ന പ്രഖ്യാപനവുമായി ബന്ധപ്പെട്ട സാമ്പത്തിക ക്രമക്കേട് കേസിൽ മുൻ കായിക കൗൺസിൽ പ്രസിഡന്റ് യു. ഷറഫലിയെയും മുൻ കായികമന്ത്രി വി. അബ്ദുറഹിമാനെയും പ്രതിപ്പട്ടികയിൽ ഉൾപ്പെടുത്താൻ പ്രത്യേക അന്വേഷണ സംഘം (എസ്‌ഐടി) ഒരുങ്ങുന്നു. മെസ്സിയെ കേരളത്തിലെത്തിക്കാമെന്ന വാഗ്ദാനത്തിന്റെ മറവിൽ സാമ്പത്തിക ക്രമക്കേടുകൾ നടന്നതായും സർക്കാർ സംവിധാനങ്ങൾ ദുരുപയോഗം ചെയ്തതായും അന്വേഷണത്തിൽ കണ്ടെത്തിയെന്നാണ് വിവരം. ടെൻഡർ നടപടികളും ചട്ടങ്ങളും പാലിക്കാതെ സ്വകാര്യ സ്പോൺസറായ റിപ്പോർട്ടർ ബ്രോഡ്കാസ്റ്റിങ് കമ്പനി (ആർബിസി)യും അർജന്റീന ഫുട്ബോൾ…

പത്തനംതിട്ട: നിർദിഷ്ട ശബരിമല വിമാനത്താവളം കൊടുമൺ പ്ലാന്റേഷൻ ഭൂമിയിൽ സ്ഥാപിക്കണമെന്ന ആവശ്യവുമായി ബി.ജെ.പി രംഗത്ത്. ബി.ജെ.പി സംസ്ഥാന നേതാക്കളായ കുമ്മനം രാജശേഖരനും അനൂപ് ആന്റണിയും തയ്യാറാക്കിയ പഠനറിപ്പോർട്ടും നിവേദനവും സംസ്ഥാന പ്രസിഡന്റ് രാജീവ് ചന്ദ്രശേഖർ കേന്ദ്ര വ്യോമയാന മന്ത്രി കിഞ്ചരാപ്പു രാം മോഹൻ നായിഡുവിന് കൈമാറി. എരുമേലിയിൽ നിർദേശിച്ചിരുന്ന എസ്റ്റേറ്റ് ഭൂമിയുമായി ബന്ധപ്പെട്ട നിയമതർക്കങ്ങളും ഉടമസ്ഥാവകാശ പ്രശ്നങ്ങളും നിലനിൽക്കുന്ന സാഹചര്യത്തിലാണ് കൊടുമൺ എസ്റ്റേറ്റിന് പിന്തുണയുമായി നീക്കം ശക്തമായത്. വിമാനത്താവളത്തിനായി പ്രവാസി സംഘടനകളും പ്രാദേശിക ആക്ഷൻ കമ്മിറ്റികളും നേരത്തെ…

പത്തനംതിട്ട: ശബരിമല മേൽശാന്തി തിരഞ്ഞെടുപ്പിന്റെ നിർണായക ഘട്ടമായ അഭിമുഖം ഇന്ന് നടക്കും. ദേവസ്വം വിജിലൻസ് പരിശോധനയ്ക്കുശേഷം ചുരുക്കപ്പട്ടികയിൽ ഉൾപ്പെട്ട അഞ്ച് പേരിൽനിന്നാകും അഭിമുഖത്തിലൂടെ അന്തിമ പട്ടിക തയ്യാറാക്കുക. നിലവിലെ യോഗ്യതാ മാനദണ്ഡങ്ങളിൽ ഇളവ് വരുത്തി കൂടുതൽ പേരെ പട്ടികയിൽ ഉൾപ്പെടുത്തില്ലെന്ന് തിരുവിതാംകൂർ ദേവസ്വം ബോർഡ് വ്യക്തമാക്കി. ശബരിമല മേൽശാന്തി സ്ഥാനത്തേക്ക് 48 അപേക്ഷകളും മാളികപ്പുറം മേൽശാന്തി സ്ഥാനത്തേക്ക് 30 അപേക്ഷകളുമാണ് ലഭിച്ചത്. വിജിലൻസ് പരിശോധനയ്ക്കുശേഷം ശബരിമല പട്ടിക അഞ്ച് പേരിലേക്കും മാളികപ്പുറം പട്ടിക മൂന്ന് പേരിലേക്കും ചുരുങ്ങി….

പത്തനംതിട്ട: തണ്ണിത്തോട് വനമേഖലയിൽ രാത്രികാലങ്ങളിൽ വീണ്ടും വെടിയൊച്ച കേൾക്കുന്നതായി പ്രദേശവാസികളുടെ പരാതി. ഇതോടെ വന്യമൃഗവേട്ട വീണ്ടും സജീവമായോ എന്ന ആശങ്ക ശക്തമായി. വെടിയൊച്ച കേട്ട പ്രദേശങ്ങൾ കേന്ദ്രീകരിച്ച് അടിയന്തര പരിശോധന നടത്തണമെന്നാണ് നാട്ടുകാരുടെ ആവശ്യം. തണ്ണിത്തോട്, പൂച്ചക്കുളം, ഗുരുനാഥൻമണ്ണ് തുടങ്ങിയ വനമേഖലകളിൽ മുൻകാലങ്ങളിലും വന്യമൃഗവേട്ടയുമായി ബന്ധപ്പെട്ട സംഭവങ്ങൾ റിപ്പോർട്ട് ചെയ്തിട്ടുണ്ട്. 2023ൽ പൂച്ചക്കുളം വനത്തിൽ പന്നിപ്പടക്കം ഉപയോഗിച്ച് മ്ലാവിനെ വേട്ടയാടി ഇറച്ചി കടത്തിയ കേസിൽ നിരവധി പേരെ വനംവകുപ്പ് അറസ്റ്റ് ചെയ്തിരുന്നു. വനത്തിനുള്ളിൽവച്ച് മ്ലാവിനെ കഷണങ്ങളാക്കി ചാക്കുകളിലാക്കി…

പത്തനംതിട്ട: ഡൽഹിയിൽ തെരഞ്ഞെടുപ്പ് കമ്മീഷണർക്കെതിരെ സിപിഎം സമരം ചെയ്യുമ്പോൾ കേരളത്തിൽ സമരം ചെയ്യുന്ന കോൺഗ്രസ്, യൂത്ത് കോൺഗ്രസ് പ്രവർത്തകർക്കെതിരെ തിരിയുന്നതും മന്ത്രിമാരെ വഴിയിൽ തടയുന്നതും സിപിഎമ്മിലെ ആഭ്യന്തര പ്രശ്നങ്ങൾ മറച്ചുവയ്ക്കാനാണെന്ന് മുഖ്യമന്ത്രി വി.ഡി. സതീശൻ. പത്തനംതിട്ട രാജീവ്ഭവനിൽ ജില്ലാ കോൺഗ്രസ് കമ്മിറ്റി നൽകിയ സ്വീകരണത്തിന് മറുപടി പറയുകയായിരുന്നു അദ്ദേഹം. ഭരണത്തിലിരുന്ന് അഴിമതി നടത്തിയെന്ന ആരോപണം നേരിടുന്ന പിണറായി വിജയനെതിരായ അന്വേഷണത്തിൽനിന്ന് ശ്രദ്ധതിരിക്കാനും അത് അട്ടിമറിക്കാനും കേരളത്തിലാകെ ക്രിമിനൽ സംഘങ്ങളെ ഇറക്കിവിടുകയാണെന്ന് സതീശൻ ആരോപിച്ചു. മുഖ്യമന്ത്രിയെയും മന്ത്രിമാരെയും വഴിയിൽ…